കൊളംബിയയുമായി നിര്ണ്ണായക പോരാട്ടത്തിനിറങ്ങിയ സെനഗലിന് ഒരു സമനില മാത്രം മതിയായിരുന്നു. അതുകൊണ്ടു തന്നെ ലോകകപ്പില് പ്രീക്വാര്ട്ടര് സാധ്യതകള് ഏകദേശം ഉറപ്പിച്ചു തന്നെയാണ് സെനഗല് കൊളംബിയയ്ക്കെതിരെ പോരാട്ടത്തിനിറങ്ങിയത്. എന്നാല് സെനഗല് പ്രതീക്ഷകള് താളംതെറ്റിയത് മത്സരത്തിന്റെ 74-ാം മിനിറ്റിലാണ്. കൊളംബിയയുടെ യെറി മിനായാണ് സെനഗലിന്റെ സാധ്യതകള് തകര്ത്തുടച്ച് ഹെഡര് ഗോളിലൂടെയാണ് ഗോള് വല ചലിപ്പിച്ചത്.
കൊളംബിയയോട് തോല്വി വഴങ്ങിയതോടെ ജപ്പാനുമായി പോയിന്റ് നിലയില് ഒപ്പമെത്തിയിട്ടും ഫെയര്പ്ലേ കടമ്പയില് തട്ടി സെനഗല് പുറത്തു പോകുകയായിരുന്നു. പോയിന്റ് നിലയിലും, ഗോള് എണ്ണത്തിലും നേരിട്ടുള്ള മതസര ഫലത്തിലും തുല്യത പാലിച്ചതോടെ ചുവപ്പുകാര്ഡുകളും മഞ്ഞക്കാര്ഡുകളും പ്രധാനമാകുന്ന ഫെയര്പ്ലേ മാനദണ്ഡം എത്തിയത്. അങ്ങനെ സെനഗലിനു ലോകകപ്പിനു പുറത്തേക്ക് വഴി തെളിയുകയും ചെയ്തു.
എന്നാല് ഇതൊന്നുമല്ല ഈ കളിയില് ഫുട്ബോള് ലോകത്തെ അമ്പരപ്പിച്ചത്. 74-ാം മിനിറ്റില് പിറന്ന ഗോള് സമയത്ത് നിയര് പോസ്റ്റിലുണ്ടായിരുന്ന ഇഡ്രിസ ഗയെയുടെ നീക്കങ്ങളാണ് സംശയമുണര്ത്തുന്നത്. കൊളംബിയന് താരങ്ങള് കോര്ണര് കിക്കെടുക്കാന് തയാറെടുക്കുമ്പോള് പോസ്റ്റിനു സമീപം ചാരി നില്ക്കുകയായിരുന്നു എവര്ട്ടന് താരം ഗയെ. പന്ത് വലയിലേക്ക് എത്തുന്നത് തടയാന് ശസനഗല് താരങ്ങള് ഉയര്ന്നു പൊന്തുമ്പോള് പോസ്റ്റില് ചാരി അതേ നില്പ്പ് ഗയെ തുടര്ന്നു. ഒന്നു തടുത്താല് പന്തിന്റെ ഗതിമാറ്റാം എന്ന അവസ്ഥയിലും ഗയെ അനങ്ങിയില്ല. ഗയെയുടെ ഈ നില്പ്പിനു പിന്നിലെ കാരണമെന്തെന്നാണ് ഫുട്ബോള് ലോകം ഒന്നടങ്കം ആവര്ത്തിക്കുന്നത്. ഈ ഗോളിലൂടെയാണ് സെനഗല് ലോകകപ്പില് നിന്ന് പുറത്തായത്.
Look at that Senegal defender defending the post lmfaoooo pic.twitter.com/hSpMvR0RRp
— renato 🇧🇷 (@rehnato) June 28, 2018
