തുമ്പ: ഭര്ത്താവിന് മറ്റൊരു സ്ത്രീയുമായി ബന്ധമുണ്ടെന്ന സംശയത്തെ തുടര്ന്ന് ആ യുവതിയുടെ ചിത്രം മോര്ഫ് ചെയ്ത സംഭവത്തില് ഭാര്യയെ പോലീസ് അറസ്റ്റ് ചെയ്തു. യുവതിയുടെ ചിത്രങ്ങള് മോര്ഫ് ചെയ്ത് അശ്ലീല ചിത്രങ്ങള്ക്കൊപ്പം ഫേസ്ബുക്കില് പോസ്റ്റ് ചെയ്യുകയാണ് ഭാര്യ ചെയ്തത്.
കുളത്തൂരില് താമസിച്ചിരുന്ന കണ്ണമ്മൂല സ്വദേശി 34കാരിയായ രഞ്ജുവിനെയാണ് പോലീസ് അറസ്റ്റ് ചെയ്തത്.
വര്ഷങ്ങളായി രഞ്ജു ഭര്ത്താവുമായി പിണങ്ങി കഴിയുകയായിരുന്നു. മോര്ഫിംഗിന് ഇരയായ യുവതി തുമ്പ പോലീസിനും കഴക്കൂട്ടം സൈബര്സിറ്റി അസി. കമ്മീഷണര്ക്കും പരാതി നല്കിയിരുന്നു. തുടര്ന്ന് സൈബര് പോലീസ് നടത്തിയ അന്വേഷണത്തിനൊടുവിലാണ് രഞ്ജുവിനെ അറസ്റ്റ് ചെയ്തത്. ടെക്നോ പാര്ക്ക് ജീവനക്കാരനാണ് അശ്ലീല പ്രൊഫൈല് ഉണ്ടാക്കാന് രഞ്ജുവിനെ സഹായിച്ചത്. ഇയാളെയും പോലീസ് ചോദ്യം ചെയ്ത് വരികയാണ്.
