ജര്മന് വാഹന നിര്മാതാക്കളായ ബിഎംഡബ്ല്യു ഇന്ത്യന് വിപണി കീഴടക്കാനുള്ള ശ്രമത്തിലാണ്. ഇതിനായി നിരവധി പുതിയ ബൈക്കുകളാണ് ഇന്ത്യന് വിപണിയിലേക്ക് കമ്പനി എത്തിക്കുന്നത്. തദ്ദേശമായി നിര്മിച്ച ജി310 ആര്, ജി310 ജിഎസ് ബൈക്കുകള്ക്ക് പിന്നാലെ എഫ് 750 ജിഎസ്, എഫ് 850 ജിഎസ് എന്നീ ബൈക്കുകള് കൂടി ഇന്ത്യയില് എത്തിച്ചിരിക്കുകയാണ് കമ്പനി.
ഇന്ത്യയില് നിര്മാണം കമ്പനി നേരത്തെ ആരംഭിച്ചിട്ടുണ്ടായിരുന്നു. ജി310 ആര്, ജി310 ജിഎസ് ബൈക്കുകള് ടിവിഎസിനൊപ്പം ചേര്ന്ന് ഇന്ത്യയില് നിര്മിക്കുകയാണ് എന്നാല് ഇത്തവണ ഇറക്കിയ പുതു പുത്തന് മോഡലുകള് പൂര്ണമായും വിദേശികളാണ്. മുമ്പ് നിരത്തിലുണ്ടായിരുന്ന വാഹനത്തില് നിന്നും കുറച്ച് മാറ്റങ്ങള് വരുത്തിയാണ് പുതിയ വാഹനങ്ങള് എത്തുന്നത്.
അലോയി വീലുകളില് റോഡിന് യോജിച്ച ടയറുകളാണ് എഫ് 750 ജിഎസില് നല്കിയിരിക്കുന്നതെങ്കില് സ്പോക് വീലില് ഓഫ് റോഡിനിണങ്ങുന്ന ടയറുകളുമാണ് എഫ് 850ല് ഉള്പ്പെടുത്തീയിരിക്കുന്നത്. എന്നാല്, ഏത് പ്രതലത്തെയും അതിജീവിക്കാന് ട്രാക്ഷന് കണ്ട്രോള് സംവിധാനം ഇരു ബൈക്കുകളിലും നല്കിയിട്ടുണ്ട്.
അഗ്രസീവ് ലുക്ക് ഉയര്ത്തുന്നതിനൊപ്പം എല്ഇഡി ഹെഡ്ലൈറ്റും ഡേ ടൈം റണ്ണിംങ്ങ് ലൈറ്റുകളും നല്കിയതാണ് മുന്വശത്തെ പ്രധാന മാറ്റം. ഇതിനൊപ്പം സീറ്റിനടിയിലായിരുന്നു പെട്രോള് ടാങ്ക് നല്കിയിരുന്നത് എന്നാല് ഇത് സാധാരണ ബൈക്കുകളില് നല്കിയിരിക്കുന്ന സ്ഥലത്തേക്ക് മാറ്റിയിടുമുണ്ട്.
