ടെന്നീസിലെ റാണി സെറീനാ വില്യംസിന്റെ കായികക്ഷമതയും ഫാഷന് സെന്സും ഇതിനകം ആരാധകര്ക്ക് മനപ്പാഠമാണ്. ഗ്ളാമറസ് അപ്പിയറന്സിന്റെ കാര്യത്തില് അഗ്രഗണ്യയായ താരം നല്ലൊരു പാട്ടുകാരിയാണെന്നും തെളിയിച്ചിരിക്കുകയാണ്. സ്തനാര്ബുദത്തെക്കുറിച്ച് ബോധവല്ക്കരിക്കാന് താരം സ്വന്തമായി പാടി അഭിനയിച്ച ടോപ്പ്ലെസ് വീഡിയോ സംസാര വിഷയമായി മാറിയിരിക്കുകയാണ്. ഏറെ ഹോട്ടായി സെറീന പ്രത്യക്ഷപ്പെടുന്ന വീഡിയോയില് താന് മികച്ച ഒരു ഗായിക കൂടിയാണെന്നും സെറീന തെളിയിച്ചിരിക്കുന്നു.
സ്വന്തം മാറിടം കൈകള് കൊണ്ട് മറച്ച രീതിയിലാണ് ടെന്നീസ് സുന്ദരി പ്രത്യക്ഷപ്പെട്ടിരിക്കുന്നത്. പാട്ടും അഭിനയവും സാമൂഹ്യമാധ്യമങ്ങളില് പങ്കു വച്ച് പത്തുമണിക്കൂറിനുള്ളില് 13 ലക്ഷത്തില് അധികം ആളുകളാണ് വീഡിയോ കണ്ടിരിക്കുന്നത്. സ്തനാര്ബുദം ബാധിച്ച് മരിച്ച ഓസ്ട്രേലിയന് പാട്ടുകാരി ക്രിസ്സി ആംഫ്ലെറ്റിന്റെ പാട്ടു പാടിയാണ് തന്റെ സംഗീത വാസനയും സെറീനാ വില്യംസ് തെളിയിച്ചിരിക്കുന്നത്. ഇന്സ്റ്റാഗ്രാം വീഡിയോയില് 1991ല് ഓസ്ട്രേലിയന് ബ്രാന്റായ ദ ദിവിനയില്ഡസിലെ ഐ ടച്ച് മൈസെല്ഫ് എന്ന പാട്ടിന്റെ ഏക രൂപമാണ് സെറീന പാടിയിരിക്കുന്നത്.
സ്ത്രീകള് തങ്ങളുടെ ആരോഗ്യത്തിന് പ്രഥമ പരിഗണന നല്കണമെന്ന് ആവശ്യപ്പെട്ടുള്ള പാട്ട് 1991 ലെ ഹിറ്റു ചാര്ട്ടുകളില് ഇടംപിടിച്ചിരുന്നു. അവര് തന്നെയാണ് പാട്ട് എഴുതിയതും. ദി വിനയില്ഡസിലെ തന്നെ പാട്ടുകാരിയായിരുന്ന ക്രിസ്സി ആംഫ്ലെറ്റ് സ്തനാര്ബുദം ബാധിച്ച് 53 ാംവയസ്സിലാണ് മരിച്ചത്. സ്ത്രീകള് തങ്ങളുടെ ശരീരത്തെ തൊട്ടു പരിശോധിക്കണമെന്ന കുറിപ്പോടെയാണ് വീഡിയോ സെറീന സമൂഹമാധ്യമമായ ഇന്സ്റ്റഗ്രാമില് പങ്കുവച്ചിരിക്കുന്നത്.വീഡിയോ ചിത്രീകരിച്ചത് തന്റെ മനസിന്റെ സുരക്ഷിതത്തില് നിന്ന് വെളിയില് വന്നായിരുന്നുവെന്നും എന്നാല് സ്തനാര്ബുദം വര്ണ വ്യത്യാസമില്ലാതെ ആര്ക്കും വരാന് സാധ്യതയുള്ളതിനാല് ബോധവല്ക്കരണം ആവശ്യമായതിനാലെന്നാണെന്നും സെറീന പറയുന്നു.
അതേസമയം വീഡിയോയില് ടോപ്ലെസായി അഭിനയിച്ചതിന് താരത്തിനെതിരേ രൂക്ഷ വിമര്ശനമാണ് ഉയരുന്നത്. എന്നിരുന്നാലും സെറീനയുടെ പാട്ടിനെ പിന്തുണച്ചും പാടാനുള്ള കഴിവിനെ അഭിനന്ദിച്ചും നിരവധി പേര് പ്രതികരിക്കുന്നുണ്ട്. ഏതാനും ദിവസങ്ങള്ക്ക് മുമ്പാണ് സെറീന വില്യംസ് തന്റെ 37ാം പിറന്നാള് ആഘോഷിച്ചത്. താരം കലാശപ്പോരാട്ടത്തില് കിരീടം കൈവിട്ട യുഎസ് ഓപ്പണില് റഫറിയെ വിമര്ശിച്ച് വിവാദങ്ങളില് ചാടിയതിന് പിന്നാലെയാണ് താരത്തിന്റെ ആല്ബവും വിവാദമുണ്ടാക്കുന്നത്. ടെന്നീസിലെ ലിംഗ വിവേചനത്തെയാണ് സെറീന എതിര്ത്തത്. റഫറി യെ വിമര്ശിച്ചതിന്റെ പേരില് താരത്തിന് കളിയില് അച്ചടക്ക നടപടി നേരിടേണ്ടി വന്നത് എതിരാളിയുടെ വിജയം എളുപ്പമാക്കി മാറ്റിയിരുന്നു.
