ജീപ്പിന്റെ ഇന്ത്യയിലെ ഏറ്റവും വില കുറഞ്ഞ വാഹനമാണ് കോംപസ്. ജീപ്പ് ആരാധകര് ഏറ്റവും കൂടുതല് ഇഷ്ടപ്പെടുന്ന വാഹനവും കോംപസാണ്. എന്നാല് കോംപസിന് ശേഷം ചെറു എസ്യുവി റെനഗേഡിനെ ഇന്ത്യയിലെത്തിക്കുമെന്നായിരുന്നു വാര്ത്തകള് വന്നത്. യൂറോപ്യന് വിപണിയിലുള്ള റെനഗേഡ് റൈറ്റ് ഹാന്ഡ് ഡ്രൈവിന്റെ പരീക്ഷണയോട്ടങ്ങളും കമ്പനി നടത്തീരുന്നു. എന്നാല് റെനഗേഡിന്റെ വരവ് നീണ്ടേക്കും. ഈ വര്ഷം അവസാനത്തോടെയെ വിപണിയിലെത്തുമെന്ന് പ്രതീക്ഷിച്ചിരുന്ന വാഹനം അടുത്ത വര്ഷം അവസാനത്തോടെയെ എത്തു എന്നാണ് റിപ്പോര്ട്ടുകള് വരുന്നത്.
ഉയരത്തിലും വീതിയിലും ഹ്യുണ്ടായ് ക്രേറ്റയേക്കാളും റെനോ ഡാറ്റ്സണിനെക്കാളും കൂടുതലായിരിക്കും റെനഗേഡ്. 4.22 മീറ്റര് നീളവും, 1.7 മീറ്റര് ഉയരവും, 1.9 മീറ്റര് വീതിയുമാണ് യൂറോപ്പിലിറങ്ങുന്ന റെനഗേഡിനുള്ളത്. കോംപസിലിരിക്കുന്ന എന്ജിന്റെ ശക്തികുറഞ്ഞ രൂപമായിരിക്കും റെനഗേഡില്. 2ലിറ്റര് ഡീസല് എന്ജിനും 1.4 ലിറ്റര് പെട്രോള് എന്ജിനായിരിക്കുമെങ്കിലും പിന്നീട് 1.6 ലിറ്റര് മള്ട്ടി ജെറ്റ് എന്ജിനും എത്തിയേക്കാം.
ഫോര്വീല് ഡ്രൈവ് റെനഗേഡില് ഓപ്ഷനായിരിക്കുമെന്നാണ് കരുതുന്നത്. ഹ്യുണ്ടായ് ക്രറ്റയും റെനോ ഡാറ്റ്സണുമായിരിക്കും പ്രധാന എതിരാളികള്.
