പുതിയ MU-X ഫെയ്സ്ലിഫ്റ്റ് പതിപ്പുമായി ഇസൂസു വിപണിയിൽ. 26.26 ലക്ഷം രൂപയാണ് ഇസൂസു MU-X ഫെയ്സ്ലിഫ്റ്റിന്റെ വില. രണ്ടു വകഭേദങ്ങള് മാത്രമെ MU-X ഫെയ്സ്ലിഫ്റ്റിലുള്ളൂ. എസ്യുവിയുടെ 4X2 വകഭേദം 26.26 ലക്ഷം രൂപയ്ക്ക് അണിനിരക്കുമ്പോള്, 28.22 ലക്ഷം രൂപയാണ് 4X4 വകഭേദത്തിന് വില. ടൊയോട്ട ഫോര്ച്യൂണര്, ഫോര്ഡ് എന്ഡവര്, സ്കോഡ കൊഡിയാക്ക്, ഹോണ്ട CR-V എന്നിവരാണ് ഇന്ത്യന് വിപണിയില് ഇസൂസു MU-X -ന്റെ എതിരാളികള്.
പുതിയ ഗ്രില്ലാണ് എസ്യുവിയിൽ. ഇരട്ട അറകളുള്ള എല്ഇഡി പ്രൊജക്ടര് ഹെഡ്ലാമ്പുകള്ക്ക് എല്ഇഡി ഡെയ്ടൈം റണ്ണിംഗ് ലൈറ്റുകളുടെ പിന്തുണയുണ്ട്. എസ്യുവിയുടെ ടെയില്ലാമ്പുകളും കമ്പനി പരിഷ്കരിച്ചിട്ടുണ്ട്. കറുപ്പ് നിറമാണ് ഉള്ളിൽ; ഡാഷ്ബോര്ഡിന് പിയാനൊ ബ്ലാക്കും. മള്ട്ടി ഇന്ഫോര്മേഷന് ഡിസ്പ്ലേയുള്ള ഇന്സ്ട്രമെന്റ് ക്ലസ്റ്റര്, 7.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനം, തുകല് പൊതിഞ്ഞ സ്റ്റീയറിംഗ് വീല്, തുകല് സീറ്റുകള് എന്നിങ്ങനെ വിശേഷങ്ങള് ഒരുപാടാണ് പുതിയ ഇസൂസു MU-X എസ്യുവിയില്.
