കോട്ടയം: ശബരിമല സ്ത്രീ പ്രവേശന വിഷയത്തില് എതിര്പ്പുകളും പ്രതിഷേധവും മറികടന്ന് ആക്ടിവിസ്റ്റും ചുംബന സമര നേതാവായ രഹ്നയും മാധ്യമപ്രവര്ത്തക കവിതയും മല ചവിട്ടാന് ചെലുകയും ഇവരെ പ്രതിഷേധക്കാര് തടഞ്ഞതിനുമെതിരായാണ് ജയശങ്കര് തന്റെ നിലപാട് വ്യക്തമാക്കിയിരിക്കുന്നത്. സുപ്രീം കോടതി വിധി പ്രതകാരം പോലീസ് അകമ്പടിയോടെ ശബരിമല സന്നിധാനത്തിലെത്തിയ ഭക്തവനിതകളെ മടക്കിയയച്ച സംഭവം കോടതിയലക്ഷ്യമാണ്, സാംസ്കാരിക കേരളത്തിനു മൊത്തം അപമാനകരമാണ് ഈ സംഭവം എന്ന് ഫേസ്ബുക്ക് പോസ്റ്റില് ജയശങ്കര് വ്യക്തമാക്കി.
സുപ്രീം കോടതി വിധി പ്രകാരം പോലീസ് അകമ്പടിയോടെ ശബരിമല സന്നിധാനത്തിലെത്തിയ ഭക്തവനിതകളെ മടക്കിയയച്ച സംഭവം കോടതിയലക്ഷ്യമാണ്, സാംസ്കാരിക കേരളത്തിനു മൊത്തം അപമാനകരമാണ്. യുവതികള് പതിനെട്ടാം പടി കയറിയാല് ക്ഷേത്രം പൂട്ടി സ്ഥലം വിടുമെന്ന് കണ്ഠരര് രാജീവര് ഒരു ഉണ്ടായില്ലാവെടി പൊട്ടിച്ചപ്പോള്, ഏതാനും പൂണൂല് ധാരികള് നിലത്തു കുത്തിയിരുന്നു ശരണം വിളിച്ചപ്പോള് മന്ത്രി വിരണ്ടുപോയി. ഭക്തകളെ മലയിറക്കി, അവരുടെ ഊരും പേരും തിരക്കാഞ്ഞ പോലീസിനെ കുറ്റപ്പടെുത്തി എന്നും ജയശങ്കര് കൂട്ടിചേര്ത്തു.
അഡ്വ എ.ജയശങ്കറിന്റെ ഫേസ്ബുക്ക് പോസ്റ്റിങ്ങനെ-
ശബരിമല തന്ത്രിയെ കിന്ത്രിയെന്നു വിളിച്ച ഒരു ദേവസ്വം മന്ത്രി നമുക്കുണ്ടായിരുന്നു - ജി സുധാകരന്. അദ്ദേഹം ഇപ്പോഴും മന്ത്രിയാണ്. മരാമത്ത് വകുപ്പാണെന്നു മാത്രം.
കടകംപള്ളി സുരേന്ദ്രന് ആളു യോഗ്യനാണ്, പക്ഷേ ദേവസ്വം ഭരണം തീരെ പോരാ.
സുപ്രീകോടതി വിധി പ്രകാരം പോലീസ് അകമ്പടിയോടെ ശബരിമല സന്നിധാനത്തിലെത്തിയ ഭക്തവനിതകളെ മടക്കിയയച്ച സംഭവം കോടതിയലക്ഷ്യമാണ്, സാംസ്കാരിക കേരളത്തിനു മൊത്തം അപമാനകരമാണ്.
മുഖ്യമന്ത്രിയുടെ പുത്തരിക്കണ്ടം പ്രസംഗത്തിന്റെ അന്തസ്സത്തയ്ക്കു നിരക്കുന്നതല്ല കടകംപള്ളിയുടെ വാക്കും പ്രവൃത്തിയും. യുവതികള് പതിനെട്ടാം പടി കയറിയാല് ക്ഷേത്രം പൂട്ടി സ്ഥലം വിടുമെന്ന് കണ്ഠരര് രാജീവര് ഒരു ഉണ്ടയില്ലാവെടി പൊട്ടിച്ചപ്പോള്, ഏതാനും പൂണൂല് ധാരികള് നിലത്തു കുത്തിയിരുന്നു ശരണം വിളിച്ചപ്പോള് മന്ത്രി വിരണ്ടുപോയി. ഭക്തകളെ മലയിറക്കി, അവരുടെ ഊരും പേരും തിരക്കാഞ്ഞ പോലീസിനെ കുറ്റപ്പെടുത്തി; എല്ലാത്തിനുമുപരി ഇതഃപര്യന്തം സര്ക്കാരിനു സതുതി പാടിയ ആക്ടിവിസ്റ്റുകളെ അടച്ചാക്ഷേപിച്ചു.
കടകംപള്ളിയുടെ സ്ഥാനത്ത് പാര്ട്ടിക്കൂറും പ്രത്യയാശാസ്ത്ര ബോധമുള്ള മറ്റേതെങ്കിലും സഖാവായിരുന്നെങ്കില് ഇന്ന് ശബരിമലയില് ബ്ലൂ സ്റ്റാര് ഓപ്പറേഷന് നടക്കുമായിരുന്നു.
ദേവസ്വം ബോര്ഡ് പ്രസിഡന്റ്ിന്റെ പോലെ നിലപാടും നിലവാരവും ഇല്ലാത്തയാളാണ് ദേവസ്വം മന്ത്രിയെന്ന് ഇതോടെ പൗരോഹിത്യ ശാഠ്യത്തിനു കീഴടങ്ങിയ കടകംപള്ളിയെ മന്ത്രിസഭയില് നിന്ന് ഉടന് പുറത്താക്കണം. കുറഞ്ഞപക്ഷം ദേവസ്വം വകുപ്പ് കൊള്ളാവുന്ന മറ്റാരെയെങ്കിലും ഏല്പ്പിക്കണം.
