ശബരിമലയിലെ നിരോധനാജ്ഞ നീക്കും; തുടരേണ്ട സാഹചര്യമില്ലെന്ന് റിപ്പോര്ട്ട്
പത്തനംതിട്ട: ശബരിമലയിലും പരിസരത്തും നിരോധനാജ്ഞ തുടര്ന്നേക്കില്ല. 144 പ്രകാരമുള്ള നിരോധനാജ്ഞ തുടരേണ്ട സാഹചര്യമില്ലെന്ന് കോന്നി, റാന്നി തഹസില്ദാര്മാര് പത്തനംതിട്ട കലക്ടര്ക്ക് റിപ്പോര്ട്ട് നല്കി. ഈ സാഹചര്യത്തില് നിരോധനാജ്ഞ ഇനി തുടരില്ല. നേരത്തെ പ്രഖ്യാപിച്ച നിരോധനാജ്ഞ ഇന്ന് അവസാനിക്കും. ശബരിമലയില് യുവതീ പ്രവേശനം അനുവദിച്ച സുപ്രീം കോടതി വിധിയുടെ പശ്ചാത്തലത്തില് ബി.ജെ.പി-ആര്.എസ്.എസ് പ്രവര്ത്തകര് നടത്തിയ പ്രതിഷേധങ്ങള് ക്രമസമാധാന പ്രശ്നമായി വളര്ന്നതോടെയാണ് നിരോധനാജ്ഞ പ്രഖ്യാപിച്ചത്.
വന് നഷ്ടത്തിന് വഴങ്ങി ഫെയ്സ്ബുക്ക്; 2018ല് നഷ്ടമായത് 1740 കോടി
സാന് ഫ്രാന്സിസ്കോ: നവമാധ്യമ ഭീമന് എന്നറിയപ്പെടുന്ന ഫെയ്സ്ബുക്കിന് ഈ വര്ഷം വന് നഷ്ടമുണ്ടായതായി റിപ്പോര്ട്ട്. 1740 കോടിയുടെ നഷ്ടമാണുണ്ടായതെന്നാണ് കണക്കുകള് സൂചിപ്പിക്കുന്നത്.
അമേരിക്കന് പ്രസിഡന്റ് തിരഞ്ഞെടുപ്പിലെ റഷ്യന് ഇടപെടല് അടക്കമുള്ള പ്രശ്നങ്ങള് ഇതുവരെ കെട്ടണഞ്ഞിട്ടില്ല അതിന് മുന്പാണ് സാമ്പത്തീക നഷ്ടവും ഫെയ്സ്ബുക്കിന് തലവേദനയാക്കുന്നത്. ഫെയ്സ്ബുക്കിന്റെ ഓഹരി വില ഇടിഞ്ഞ് 139.53 ഡോളറായി കുറഞ്ഞിരിക്കുന്നത്. ഏപ്രിലിന് ശേഷം ഏറ്റവും കുറഞ്ഞ നിരക്കാണിത്.
കെ.സുരേന്ദ്രനെതിരെ വീണ്ടും പൊലീസ് കേസ്; ഇക്കുറി 52 കാരിയെ തടഞ്ഞതിന്
തിരുവനന്തപുരം : ബിജെപി സംസ്ഥാന ജനറല് സെക്രട്ടറി കെ.സുരേന്ദ്രനെതിരെ വീണ്ടും പൊലീസ് കേസെടുത്തു. ശബരിമലയിലെ അക്രമസംഭവങ്ങളുമായി ബന്ധപ്പെട്ട് ചിത്തിര ആട്ടവിശേഷ സമയത്ത് തൃശൂര് സ്വദേശിനിയായ 52 വയസുകാരിയെ സന്നിധാനത്ത് തടഞ്ഞതും ആക്രമിക്കപ്പെട്ടതുമായ സംഭവത്തില് സുരേന്ദ്രന് ഗൂഢാലോചന നടത്തിയെന്നാണ് കേസ്.
ഈ കേസിലെ പ്രതിയായ സൂരജിന്റെ ഫേസ്ബുക്ക് പോസ്റ്റില് ഗൂഢാലോചന വ്യക്തമാണെന്നും പൊലീസ് കോടതിയില് നല്കിയ റിപ്പോര്ട്ടില് വ്യക്തമാക്കുന്നു. ഗൂഢാലോചനയ്ക്ക് 120ബി പ്രകാരം ജാമ്യം കിട്ടാത്ത വകുപ്പാണ് ചുമത്തിയിരിക്കുന്നത്.
പതിവിന് വിരുദ്ധമായി ഫെബ്രുവരി രണ്ടിന് പൂര്ണ ബജറ്റ് അവതരിപ്പിക്കാന് കേന്ദ്ര സര്ക്കാര്
ന്യൂഡല്ഹി: മോദി സര്ക്കാര് പൂര്ണ ബജറ്റ് അവതരിപ്പിക്കുവാന് ഒരുങ്ങുന്നു. ഫെബ്രുവരി ഒന്നിനാണ് കേന്ദ്ര ബഡ്ജറ്റ് അവതരിപ്പിക്കുക. 2019ലെ നിയമസഭാ തെരഞ്ഞെടുപ്പിന് മുന്നോടിയായാണ് ഇത്തരത്തില് പൂര്ണബഡ്ജറ്റ് അവതരിപ്പിക്കുന്നത്.
ബജറ്റ് അവതരണത്തിന് ആവശ്യമായ വിവരങ്ങള് ലഭ്യമാക്കണമെന്നാവശ്യപ്പെട്ട് വിവിധ സര്ക്കാര് വകുപ്പുകള്ക്കും മന്ത്രാലയങ്ങള്ക്കും ധനമന്ത്രാലയം കത്തയച്ചിട്ടുണ്ട്. നവംബര് 30നകം ലഭ്യമാക്കണമെന്നാണ് ആവശ്യം.
രഞ്ജി ട്രോഫിയില് ബംഗാളിനെ തകര്ത്ത് കേരളം: ഒന്പതു വിക്കറ്റിന് മിന്നുന്ന രണ്ടാം വിജയം
കൊല്ക്കത്ത: ബൗളിങ്ങ് കരുത്തില് ബംഗാളിനെ ഒന്പതു വിക്കറ്റിന് തകര്ത്ത് രഞ്ജി ട്രോഫി ക്രിക്കറ്റില് കേരളത്തിന് രണ്ടാം വിജയം. രണ്ടാം ഇന്നിങ്സില് ബംഗാളിനെ 184 റണ്സിന് എറിഞ്ഞൊതുക്കിയ കേരളം, 41 റണ്സിന്റെ വിജയലക്ഷ്യം ഒരു വിക്കറ്റ് നഷ്ടത്തില് മറികടക്കുകയായിരുന്നു. സ്കോര്: ബംഗാള്- 147, 184. കേരളം 291, 44/1.
കേരളത്തിന് രണ്ടാം ഇന്നിങ്സില് ജലജ് സക്സേനയുടെ വിക്കറ്റാണ് നഷ്ടമായത്. സക്സേന 21 പന്തില് 26 റണ്സെടുത്തു. 16 റണ്സുമായി അരുണ് കാര്ത്തിക്കും രണ്ട് റണ്ണുമായി രോഹന് പ്രേമും പുറത്താകാതെ നിന്നു. തുടര്ച്ചയായ രണ്ടാം ജയത്തോടെ 13 പോയിന്റുമായി കേരളം ബി ഗ്രൂപ്പില് ഒന്നാം സ്ഥാനത്ത് എത്തി. ആറു പോയിന്റുള്ള ബംഗാളാണ് ഗ്രൂപ്പില് രണ്ടാമത്.
