ജീപ്പ് കോംപസ്, ടാറ്റ ഹാരിയര് എന്നീ വാഹനങ്ങളോട് മത്സരിക്കാന് എംജി മോട്ടോര്സിന്റെ ആദ്യ എ.സ്.യു.വി മോഡല് ഇന്ത്യന് വിപണന രംഗത്തേക്ക്. ഏകദേശം 14 മുതല് 18 ലക്ഷം രൂപ വരെ വില വരുമെന്നാണ് സൂചന.
ഏറ്റവും പുതിയ മോഡലായ എം.ജി ഹെക്ക്ടര് എസ്.യു.വി ഇന്ത്യന് വിപണന രംഗത്ത് ഈ വര്ഷം ജൂണ് മുതല് പരീക്ഷിക്കാനാണ് തീരുമാനിച്ചിരിക്കുന്നത്. ഹെക്ക്ടര് എന്ന പേര് നല്കിയിരിക്കുന്നത് ഗ്രീക്ക് ഐതീഹ്യത്തില് നിന്നുമാണ്.
എം.ജി ഹെക്ക്ടര് എന്നത് സി-വിഭാഗത്തില്പ്പെട്ട എസ്.യു.വി മോഡലാണ്, എന്നാല് വലുപ്പത്തില് ഹോണ്ടയുടെ സി.ആര്.വി 7-സീറ്റര് വാഹനത്തെ വെല്ലാന് കഴിയുന്ന രീതിയിലാണ് ഈ 5-സീറ്റര് വാഹനത്തിന്റെ നിര്മ്മിതി. മാധ്യമപ്രവര്ത്തകര്ക്ക് വേണ്ടി ഷാങ്ഹായിയില് നടത്തിയ ചടങ്ങിലാണ് ആദ്യ എസ്.യു.വി മോഡലിന്റെ ചിത്രം പുറത്തു വിട്ടത്.
ചൈനീസ് വാഹന നിര്മാതാക്കളായ സായിക്കിന്റെ ഉടമസ്ഥതയിലുള്ള ആദ്യ എസ്.യു.വി മോഡല് ഇന്ത്യന് വിപണന രംഗത്ത് ഉടന് എത്തിക്കുമെന്നാണ് അറിയിച്ചിരിക്കുന്നത്. എം.ജി.യുടെ ഹെക്ക്ടര് എസ്.യുവിക്ക് പിന്നാലെ ഈ ഇലക്ട്രിക്ക് 7-സീറ്റര് കാറും വിപണിയില് ഉടന് തന്നെ സജീവമാകുന്നുണ്ട്.
വാഹനത്തിന്റെ നിര്മ്മാണം നടത്തുന്നത് ചൈന, ഇന്ത്യ, യുകെ യില് നിന്നുള്ള എന്ജിനീയര്മാരുടെ നേതൃത്വത്തിലായിരിക്കും. ജനറല് മോട്ടോഴ്സില് നിന്നും കരസ്ഥമാക്കിയ ഹാലോല് ശാലയിലാണ് വാഹനങ്ങള് നിര്മ്മിച്ച് പുറത്തിറക്കുക. ആരംഭത്തില് തന്നെ 80000 വാഹനങ്ങളോളം വിപണിയില് എത്തിക്കുമെന്നും കൂടാതെ രണ്ടു ലക്ഷത്തോളം വാഹനങ്ങള് നിര്മ്മിച്ച് വിപണിയിലിറക്കുമെന്നും അധികൃതര് അറിയിച്ചു.
കമ്പനിയുടെ വരവോടെ 1500 തൊഴിലവസരങ്ങള് ഉടലെടുക്കുമെന്നും അറിയിച്ചു. തുടക്കത്തില് തന്നെ 100 ടച്ച് പൊയിന്റുകളാണ് ലക്ഷ്യം വച്ചിരിക്കുന്നത്. ജീപ്പ് കോംപസ്, ടാറ്റ ഹാരിയര് എന്നീ വാഹനങ്ങളുടെ ഒപ്പമായിരിക്കും ഹെക്കറ്ററും വിപണി കയ്യടക്കാന് എത്തുന്നത്.
