കൊച്ചി: ബിഷപ്പ് ഫ്രാങ്കോ മുളയ്ക്കലിന്റെ സഹായിയില് നിന്ന് പിടിച്ചെടുത്ത പണം തട്ടിയ കേസില് പഞ്ചാബ് പോലീസിലെ രണ്ട് എ.എസ്.ഐമാരെ കേരള പോലീസ് അറസ്റ്റ് ചെയ്തു. പാട്യാല സ്വദേശികളായ ജോഗീന്ദര് സിങ്, രാജ്പ്രീത് സിങ് എന്നിവരെയാണ് കൊച്ചിയില് വച്ച് അറസ്റ്റ് ചെയ്തത്. ഇവരെ കസ്റ്റഡിയില് വാങ്ങാന് പഞ്ചാബ് ക്രൈംബ്രാഞ്ച് ഐ.ജി പി.കെ സിന്ഹ കൊച്ചിയില് എത്തും.
പഞ്ചാബ് പോലീസ് പിടിച്ചെടുത്തത് 16.65 കോടി രൂപയാണ് പിടിച്ചെടുത്തത്. എന്നാല് 9.66 കോടി രൂപ മാത്രമാണ് ഐടി വകുപ്പിന് കൈമാറിയത്. ഫാ. ആന്റണി മാടശേരിയില് നിന്നുമാണ് കണക്കില്പ്പെടാത്ത പണം പിടിച്ചെടുത്തത്.
മാര്ച്ച് 30നാണ് ആന്റണി മാടശേരിയുടെ വൈദിക മന്ദിരത്തില് നിന്ന് കണക്കില്പ്പെടാത്ത പണം പിടികൂടിയത്. ചാക്കില്കെട്ടിയ നിലയിലാണ് കോടികളുടെ പണം പിടിച്ചെടുത്തത്. സംഭവുമായി ബന്ധപ്പെട്ട് ഫാ. ആന്റണി അടക്കം അറസ്റ്റിലായ ആറ് പേരെയും ചോദ്യം ചെയ്യലിന് ശേഷം വിട്ടയച്ചിരുന്നു.
