കുറവിലങ്ങാട്: കന്യാസ്ത്രീയെ പീഡിപ്പിച്ചെന്ന കേസിന്റെ വിചാരണയുടെ ഭാഗമായി ബിഷപ് ഫ്രാങ്കോ മുളയ്ക്കല് പത്തിനു പാലാ ഒന്നാംക്ലാസ് ജുഡീഷ്യല് മജിസ്ട്രേറ്റ് കോടതിയില് ഹാജരാകണം.
നേരിട്ടു ഹാജരാകണമെന്ന കോടതിയുത്തരവ് െവെക്കം സബ് ഡിവിഷനിലെ എ.എസ്.ഐമാരായ സജിമോന്, അനില്കുമാര് എന്നിവര് ഇന്നലെ ജലന്ധറിലെത്തി ബിഷപ്പിനു െകെമാറി. ബിഷപ് ഫ്രാങ്കോ കോടതിയിലെത്തി വിചാരണയ്ക്കു മുമ്പായി വീണ്ടും ജാമ്യാപേക്ഷ നല്കേണ്ടിവരും.
സിറോ മലബാര് സഭയുടെ മേജര് ആര്ച്ച് ബിഷപ് കര്ദിനാള് മാര് ജോര്ജ് ആലഞ്ചേരി, മൂന്നു ബിഷപ്പുമാര്, 11 െവെദികര്, 25 കന്യാസ്ത്രീമാര്, ഏഴു മജിസ്ട്രേട്ടുമാര്, രണ്ടു ഡോക്ടര്മാര് എന്നിങ്ങനെ 83 സാക്ഷികളെയാണു കുറ്റപത്രത്തിന്റെ ഭാഗമായി അന്വേഷണസംഘം സമര്പ്പിച്ച പട്ടികയിലുള്ളത്.
പ്രാഥമിക നടപടികള്ക്കു ശേഷം കേസ് മജിസ്ട്രേറ്റ് കോടതിയില്നിന്നു സെഷന്സ് കോടതിക്കു െകെമാറും. കുറവിലങ്ങാട്ടെ മഠത്തില്വച്ച് ബിഷപ് 13 തവണ ബലാത്സംഗത്തിന് ഇരയാക്കിയെന്നാണു കന്യാസ്ത്രീയുടെ പരാതി. െവെക്കം ഡിെവെ.എസ്.പി: കെ. സുഭാഷിന്റെ നേതൃത്വത്തിലാണ് അന്വേഷണം നടത്തി കുറ്റപത്രം സമര്പ്പിച്ചത്.
