ന്യുഡല്ഹി: പ്രധാനമന്ത്രി നരേന്ദ്രമോഡിയെ 'ഇന്ത്യയുടെ വിഭജനത്തിന്റെ നേതാവ്' എന്ന് വിശേഷിപ്പിക്കുന്ന ടൈം മാഗസിനിലെ ലേഖനത്തിന് മറുപടിയുമായി ബി.ജെ.പി നേതൃത്വം. ലേഖകന് പാകിസ്താനിയാണ്. അയാള്ക്ക് പാകിസ്താന്റെ അജണ്ടയുണ്ട്. മോഡിയെ അപകീര്ത്തിപ്പെടുത്തുകയാണ് ലക്ഷ്യം. പാകിസ്താനില് നിന്ന് ഇതില് കൂടുതലൊന്നും പ്രതീക്ഷിക്കുന്നില്ലെന്നും ബി.ജെ.പി വക്താവ് സംബിത് പത്ര വാര്ത്താസമ്മേളനത്തില് ആരോപിച്ചു.
ഇന്ത്യക്കാരിയായ മാധ്യമപ്രവര്ത്തക തവ്ലീന് സിംഗിന്റെയും പാകിസ്താനി രാഷ്ട്രീയ നേതാവും ബിസിനസുകാരനുമായ സല്മാന് തസീറിന്റെയും മകനാണ് ലേഖനം എഴുതിയ ആതീഷ് തസീര്. മോഡിയുടെ നേതൃത്വത്തിനെതിരെ കടുത്ത വിമര്ശനമാണ് തസീര് അഴിച്ചുവിട്ടത്. 2014ലും മോഡിക്കെതിരെ നിരവധി വിദേശ മാധ്യമങ്ങള് ലേഖനങ്ങള് എഴുതിയിരുന്നുന്നെും സംബിത പത്ര പറഞ്ഞു.
ലേഖനം വീണ്ടും ട്വീറ്റ് ചെയ്ത കോണ്ഗ്രസ് അധ്യക്ഷന് രാഹുല് ഗാന്ധിക്കെതിരെയും സംബിത പത്ര വിമര്ശനം ഉന്നയിച്ചു. മോഡി സര്ക്കാരിന്റെ കാലത്ത് രാജ്യത്ത് നിരവധി ക്ഷേമപദ്ധതികള് കൊണ്ടുവന്നുവെന്നും സംബിത പത്ര അവകാശപ്പെട്ടു.
മോഡിയെ നവവധുവിനോട് ഉപമിച്ച പഞ്ചാബ് മന്ത്രി നവ്ജ്യേത് സിംഗ് സിദ്ദുവിനെതിരെയും സംബിത വിമര്ശനം ഉന്നയിച്ചു. പ്രധാനമന്ത്രി നവവധുവിനെ പോലെയാണെന്നും എപ്പോഴും കഠിനമായി അധ്വാനിക്കുന്നതായി കാണിക്കാന് വളകിലുക്കം കേള്പ്പിക്കും.. എന്നാല് ഒരു പണിയും എടുക്കില്ലെന്നുമായിരുന്നു സിദ്ദുവിന്റെ പരിഹാസം. സിദ്ദു നടത്തിയത് വംശീയ അശ്ലീല പരാമര്ശമാണെന്നായിരുന്നു സംബിത പത്രയുടെ വിമര്ശനം.
