കൊച്ചി : തനിക്ക് ഇഷ്ടപെട്ട താരങ്ങളെ കാണുവാൻ ആരാധകർക്ക് എന്നും ആഗ്രഹമുള്ളതാണ്. കാണാൻ ഒരു അവസരം കിട്ടിയാൽ ആരുംതന്നെ അത് പാഴാക്കത്തുമില്ല. ചിലർ തന്റെ ആഗ്രഹം തുറന്ന് പറയും. ചിലർ എന്നും മനസിൽകൊണ്ട് നടക്കും. ആരാധകർക്ക് അവരുടെ പ്രിയപ്പെട്ട ആക്ടേഴ്സിനെ കാണാൻ ഒരു അസുലഭ നിമിഷം കിട്ടുവാണെങ്കിൽ പിന്നെ പറയേണ്ടതില്ല. ഇപ്പോൾ സോഷ്യൽ മീഡിയയിൽ എല്ലാം തരംഗം ആയിരിക്കുന്നത് അത്തരത്തിലുള്ള ഒരു ആരാധകന്റെ വീഡിയോയാണ്. മമ്മൂക്കയുടെ കട്ട ആരാധകനുമൊത്തുള്ള വീഡിയോയായണ് സോഷ്യൽ മീഡിയ ഏറ്റെടുത്തിരിക്കുന്നത്.
കഴിഞ്ഞ ദിവസമാണ് മമ്മൂട്ടിയെ കാണണമെന്ന ആഗ്രഹവുമായി ആരാധകനായ ഹക്കീം പട്ടേപ്പാടം ഷൂട്ടിംഗ് ലൊക്കേഷനിലെത്തിയത്. ' ഇക്കാനെ കാണണം, ഇക്കാന്റെ സിനിമയിലെ ഒരു ഡയലോഗ് അവതരിപ്പിക്കണം' ഇതായിരുന്നു ഹക്കീമിന്റെ ആവശ്യം. ഇതറിഞ്ഞ മമ്മൂട്ടി ഹക്കീമിനെ സ്നേഹത്തോടെ അടുത്ത് വിളിച്ച് സംസാരിച്ച ശേഷം ആഗ്രഹവും സാധിക്കാനുള്ള അവസരവും നല്കി.
ദാദാസാഹിബ് എന്ന മമ്മൂട്ടി ചിത്രത്തിലെ ഹിറ്റ് ഡയലോഗാണ് ഹക്കീം താരത്തെ സാക്ഷിയാക്കി അവതരിപ്പിച്ചത്. കണ്ടുനിന്നവരെല്ലാം നിറഞ്ഞ കൈയ്യടി നല്കിയാണ് ഹക്കിമിനെ മടക്കി അയച്ചത്. ഇരുന്ന് അവതരിപ്പിക്കാന് മമ്മൂട്ടി ആവശ്യപ്പെട്ടെങ്കിലും നില്ക്കുന്നതില് കുഴപ്പമില്ലെന്നായിരുന്നു ഹക്കീം പറഞ്ഞത്.
https://www.facebook.com/282767549337325/videos/399436804248540/
