ശ്രീനഗര്: ഭരണഘടനയില് കശ്മീരിന് പ്രത്യേക പദവി നല്കുന്ന 370 ാം വകുപ്പ് പരിഷ്ക്കരിച്ച കാര്യം ന്യായീകരിക്കാന് സംവാദത്തിന് ക്ഷണിച്ച യോഗി ആദിത്യ നാഥിന് കശ്മീരി വിദ്യാര്ത്ഥികളുടെ ചുട്ട മറുപടി. ഒരാള് പോലും കൂടിക്കാഴ്ചയ്ക്ക് തയ്യാറായില്ലെന്ന് മാത്രമല്ല യുപി മുഖ്യമന്ത്രിക്ക് ഉരുളയ്ക്ക് ഉപ്പേരി മറുപടി നല്കി പ്രത്യേക പ്രസ്താവന ഇറക്കുകയും ചെയ്തു. അലിഗണ്ഡ് മുസ്ലിം യൂണിവേഴിസിറ്റിയില് പഠിക്കുന്ന കശ്മീരി വിദ്യാര്ത്ഥികളെയാണ് ചര്ച്ചയ്ക്ക് വിളിച്ചത്.
ആര്ട്ടിക്കിള് 370 ന്റെ ഗുണവശങ്ങളെ കുറിച്ച് ചര്ച്ച ചെയ്യാന് യോഗി ആദിത്യനാഥിന് താല്പ്പര്യമുണ്ടെന്നും സംവാദത്തിന് താല്പ്പര്യമുള്ളവര് റജിസ്റ്റര് ചെയ്യാനുമാണ് സര്വകലാശാല നിര്ദേശിച്ചത്. എന്നാല് ഒരാള് പോലും റജിസ്റ്റര് ചെയ്തില്ല. പകരം ക്ഷണം രാഷ്ട്രീയ നീക്കമായി കണക്കാക്കുന്നെന്ന് വ്യക്തമാക്കി പ്രസ്താവന ഇറക്കി. ജമ്മുവിന്റെയും കശ്മീരിന്റെയും പദവികള് എടുത്തു മാറ്റിയ സര്ക്കാര് എന്തിനാണ് ഇത് കശ്മീരികളുമായി ചര്ച്ച നടത്താന് ശ്രമിക്കുന്നതെന്നും അവര് ചോദിച്ചു. കശ്മീര് ജനതയുമായി സംശുദ്ധ ബന്ധം നില നിര്ത്തുന്നു എന്ന് വരുത്താനുള്ള സര്ക്കാരിന്റെ നീക്കത്തില് പണയ ഉരുപ്പടികളാകാനില്ലെന്നും അവര് തുറന്നടിച്ചു.
കശ്മീരികളോട് അത്ര സ്നേഹമാണെങ്കില് കശ്മീരില് നിന്നും വിമാനം കയറ്റി യുപി ജയിലില് തള്ളിയിരിക്കുന്ന പ്രൊഫസര്മാര്, അഭിഭാഷകര്, വിദ്യാര്ത്ഥികള്, സാധാരണക്കാര് തുടങ്ങിയ കശ്മീരികളുമായു സംസാരിക്കുകയാണ് യോഗി ആദിത്യനാഥ് ആദ്യം ചെയ്യേണ്ടതെന്നും പറഞ്ഞു. ഏകദേശം 1200 ഓളം കശ്മീരി വിദ്യാര്ത്ഥികള് പഠിക്കുന്ന സര്വ്വകലാശാലയില് സെപ്തംബര് 28 നാണ് കൂടികാഴ്ച സംഘടിപ്പിച്ചിരിക്കുന്നത്. ജമ്മു കശ്മീരിന്റെ പ്രത്യേക പദവി റദ്ദാക്കുകയും സംസ്ഥാനത്തെ രണ്ട് കേന്ദ്രഭരണ പ്രദേശങ്ങളായി വിഭജിക്കുകയും ചെയ്തതതില് വിദ്യാര്ത്ഥികള് പ്രതിഷേധിച്ചിരുന്നു.
