മഞ്ചേശ്വരം: ശബരിമലയില് ആചാരം ലംഘിക്കുന്നതിനോട് യോജിപ്പില്ലെന്ന് മഞ്ചേശ്വരത്തെ എല്ഡിഎഫ് സ്ഥാനാര്ത്ഥി ശങ്കര് റേ. ശബരിമലയില് ആചാരം പാലിച്ച് ആര്ക്കു വേണമെങ്കിലും പോകാമെന്നും അദേഹം വ്യക്തമാക്കി. കാസര്കോട് പ്രസ് ക്ലബില് നടന്ന സ്ഥാനാര്ത്ഥികളുടെ മുഖാമുഖം പരിപാടിയിലാണ് എല്ഡിഎഫ് സ്ഥാനാര്ത്ഥി ഇക്കാര്യം വ്യക്തമാക്കിയത്.
ശബരിമലയില് വിശ്വാസമുള്ളവര്ക്ക് അവിടുത്തെ ആചാരങ്ങളനുസരിച്ച് പോകാമെന്ന് പറയുന്ന ആളാണ് താന്. ശബരിമലയിലെ ആചാരമനുസരിച്ച് ചില ക്രമങ്ങളുണ്ട്, പോകുന്നവര് അത് പാലിക്കണമെന്നാണ് എന്റെ നിലപാട്. അത് പാലിക്കാതെ ആരു പോയാലും അത് തെറ്റാണെന്നും അദേഹം കൂട്ടിച്ചേര്ത്തു. യുവതികളും ആചാരം പാലിച്ചു വേണം പോകാന്. നിലവിലുള്ള രീതികള് തുടരണമെന്നും അദേഹം പറഞ്ഞു.
അതേസമയം കോടതിവിധിയെക്കുറിച്ച് സര്ക്കാരാണ് പറയേണ്ടത്. എന്നാല് കോടതി വിധി നടപ്പാക്കേണ്ടതാണെന്നും അദേഹം കൂട്ടിച്ചേര്ത്തു.
