മാവേലിക്കര: പ്രായംചെന്ന സ്ത്രീകളെ കബളിപ്പിച്ച് സ്വര്ണം കവരുന്ന വ്യവസായിയെ പോലീസ് അറസ്റ്റ് ചെയ്തു. ചെങ്ങന്നൂര് എണ്ണയ്ക്കാട് കുറ്റിയില് വീട്ടില് രവികുമാര് നായരെ(49)യാണ് അറസ്റ്റ് ചെയ്തത്. പൂനയില് കേരളാ സ്റ്റോര് എന്ന പേരില് സ്ഥാപനവും കേരളാ മെസ് എന്ന പേരില് ഹോട്ടലും നടത്തി വന്ന ഇയാള് ആര്.കെ. നായരെന്ന പേരിലാണ് അറിയപ്പെടുന്നത്.
സെപ്തംബര് ഒന്നിന് രാവിലെ 8.45ന് വഴുവാടി വായനശാലയ്ക്ക് സമീപം സ്കൂട്ടറിലെത്തി, സരള എന്ന സ്ത്രീയുടെ രണ്ടരപവന്റെ മാല പൊട്ടിച്ചെടുത്തകേസുമായി ബന്ധപ്പെട്ട് മാവേലിക്കര സി.ഐ പി.ശ്രീകുമാറിന്റെ നേതൃത്വത്തില് രൂപീകരിച്ച പ്രത്യേക അന്വേഷണ സംഘമാണ് രവികുമാറിനെ അയാളുടെ വീട്ടില് നിന്ന് അറസ്റ്റ് ചെയ്തത്.
സമ്പന്ന കുടുംബത്തില്പ്പെട്ട രവികുമാര് ഭാര്യയും മകളുമായി മഹാരാഷ്ര്ടയിലെ പൂനെയിലാണ് സ്ഥിരതാമസം. ബിസിനസില് സാമ്പത്തിക ബുദ്ധിമുട്ടുണ്ടായപ്പോള് പണമുണ്ടാക്കാനായി ഇയാള് സ്വീകരിച്ച മാര്ഗമായിരുന്നു മാലമോഷണം. പൂനയില് നിന്നു വാങ്ങിക്കൊണ്ടുവരുന്ന അസല് സ്വര്ണമാണെന്ന് തോന്നിക്കുന്ന ഇമിറ്റേഷന് മാലകളുമായി ക്ഷേത്ര പരിസരങ്ങളില് എത്തുന്ന ഇയാള് ഒറ്റയ്ക്ക് വരുന്ന വയോധികകളുടെ അടുക്കല് ചെല്ലും. തനിക്ക് അമേരിക്കയില് ജോലിയാണെന്നും മകള്ക്ക് ജോലിക്കായി ക്ഷേത്രത്തില് നേര്ച്ചയായി മാല നല്കാനെത്തിയതാണെന്നും പറയും.
െകെയിലുള്ള മാല 10 പവന്റെയാണെന്നും അത് ക്ഷേത്രത്തില് നല്കുന്നതിന് പകരം ഏതെങ്കിലും പാവപ്പെട്ടവര്ക്ക് കൊടുക്കാനാണ് ഉദ്ദേശിക്കുന്നതെന്നും പറഞ്ഞ് ഇയാള് സൂത്രത്തില് സ്ത്രീകളുടെ പക്കലുള്ള സ്വര്ണമാല െകെക്കലാക്കി പകരം ഇമിറ്റേഷന് നല്കി മുങ്ങും. ദിവസങ്ങള് കഴിഞ്ഞ ശേഷമാണ് തങ്ങള്ക്ക് ലഭിച്ചത് മുക്കുപണ്ടമാണെന്ന് തിരിച്ചറിയുന്നത്. പലരും പരാതിയുമായി പോകാറുമില്ല.
നാട്ടിലേക്കുള്ള ഒരു വരവില് ഒന്നോ രണ്ടോ തട്ടിപ്പു നടത്തിയ ശേഷം സ്വര്ണം വി?റ്റു കാശാക്കി വിമാനത്തില് പൂനെയിലേക്ക് കടക്കുകയാണ് പതിവ്. വഴുവാടിയിലെ കവര്ച്ചയ്ക്കു ശേഷം പൂനയിലേക്ക് കടന്ന ഇയാള് കുറച്ചു ദിവസം മുമ്പാണ് തിരികെയെത്തിയത്.
മഹാരാഷ്ട്ര രജിസ്ട്രേഷനുള്ള ആക്ടീവ സ്കൂട്ടറാണ് ഇയാള് ഉപയോഗിക്കുന്നത്. ഒന്നോ രണ്ടോ തവണ തട്ടിപ്പ് നടത്തിക്കഴിഞ്ഞാല് സ്വര്ണം വിറ്റു പണമാക്കി പുനെയ്ക്ക് കടക്കും. കഴിഞ്ഞമാസം ഒന്നിന് വഴുവാടി വായനശാലയ്ക്ക് സമീപം മധ്യവയസ്കയെ തള്ളിയിട്ട് സ്വര്ണമാല അപഹരിച്ച കേസുമായി ബന്ധപ്പെട്ട് പ്രത്യേക അന്വേഷണസംഘം രൂപീകരിച്ചിരുന്നു. സി.സി ടിവി ദൃശ്യങ്ങള് ശേഖരിച്ച് നടത്തിയ അന്വേഷണത്തില് പന്തളത്തെ ഒരു വസ്ത്ര വ്യാപാരശാലയില്നിന്ന് ഇയാളുടെ ഹെല്മെറ്റില്ലാത്ത ദൃശ്യം ലഭിച്ചു.
നൂറോളം സി.സി ടിവി ദൃശ്യങ്ങളും നൂറുകണക്കിന് മൊെബെല് നമ്പരുകളും ശേഖരിച്ച് നടത്തിയ അന്വേഷണത്തിലാണ് ഒന്നാം തീയതി രാത്രി ഇയാളെ പിടികൂടിയത്. അറസ്റ്റ് ചെയ്യുമ്പോള് തട്ടിപ്പിനായി കൊണ്ടുവന്ന രണ്ടു ഇമിറ്റേഷന് മാലകളും ഇയാളുടെ െകെയിലുണ്ടായിരുന്നു. കണ്ടിയൂര്, ചെറുകോല്, ചെന്നിത്തല, മാന്നാര് എന്നിവിടങ്ങളില് നിന്നും ഇയാളുടെ അറസ്റ്റ് വിവരമറിഞ്ഞ് പോലീസിന് പരാതികള് ലഭിച്ചിട്ടുണ്ട്. മാന്നാര് സ്റ്റേഷനില് ആറും മാവേലിക്കരയില് മൂന്നും ചെങ്ങന്നൂരില് ഒരു കേസും ഇയാളുടെ പേരിലുണ്ട്.
