' പ്രണയം തലയ്ക്കു പിടിച്ച് മലേഷ്യയിലേക്ക് ഒളിച്ചോടി', മതം മാറി', തുടങ്ങിയ ആരോപണങ്ങളില് വെളിപ്പെടുത്തലുമായി റിയാലിറ്റി ഷോയിലൂടെ മലയാളികളുടെ പ്രിയങ്കരിയായ യുവഗായിക അഞ്ജു ജോസഫ്.
അടുത്തിടെ ഒരു യൂട്യൂബ് ചാനലിന് നല്കിയ അഭിമുഖത്തില് ഞാനീ ഗോസിപ്പുകളെക്കുറിച്ച് തമാശയായി പറഞ്ഞു. അഞ്ചാറ് വര്ഷം കഴിഞ്ഞല്ലോ ഇനി കുഴപ്പമൊന്നുമുണ്ടാകില്ല എന്ന് കരുതിയാണ്, ജീവിതത്തില് നേരിട്ട രസകരമായ ഗോസിപ്പുകളെക്കുറിച്ച് ചോദിച്ചപ്പോള് ഞാനതൊക്കെ പറഞ്ഞത്.
എന്നാല് അത് വലിയ പൊല്ലാപ്പായി. കഴിഞ്ഞ കുറച്ച് ദിവസങ്ങളായി പല ഓണ്ലൈന് ന്യൂസ് പോര്ട്ടലുകളിലും തെറ്റിദ്ധരിപ്പിക്കുന്ന തലക്കെട്ടുകളോടെയാണ് ഈ അഭിമുഖത്തെക്കുറിച്ചുളള വാര്ത്ത റിപ്പോര്ട്ട് ചെയ്യുന്നത്. ' ഗായിക അഞ്ജു ജോസഫ് പ്രണയം തലയ്ക്കു പിടിച്ച് മലേഷ്യയിലേക്ക് ഒളിച്ചോടി', മതം മാറി'എന്നിങ്ങനെയാണ് അതില് പലരും തലക്കെട്ടുകള് മാത്രം കണ്ട് അഭിപ്രായം പറയാന് തുടങ്ങിയതോടെ കളി കാര്യമായി. ആദ്യം വലിയ ശ്രദ്ധ കൊടുത്തില്ലെങ്കിലും പല കമന്റുകളും അതിരു കടന്നതോടെ, സുഹ്യത്തുക്കളാണ് വിളിച്ച് മറുപടി പറയണമെന്ന് പറഞ്ഞത്. അങ്ങനെ ഫെയ്സ്ബുക്കില് കാര്യങ്ങള് വിശദീകരിച്ച് വിഡിയോ പോസ്റ്റ് ചെയ്തു. എങ്കിലും വാര്ത്തകള്ക്ക് കുറവില്ല -അഞ്ജു പറഞ്ഞു.
ഞാനും ഭര്ത്താവും അഞ്ചു വര്ഷം പ്രേമിച്ചാണ് വിവാഹം കഴിച്ചത്. വിവാഹം കഴിഞ്ഞിട്ടിപ്പോള് അഞ്ച് വര്ഷമായി. വിവാഹത്തിന് വീട്ടില് നിന്ന് ആദ്യം എതിര്പ്പുണ്ടായെങ്കിലും പിന്നിട് നടത്തിത്തന്നു. ഒരു സ്വകാര്യ ചാനലില് പ്രൊഡ്യൂസറാണ് അനൂപ്. തൃശൂര് ആണ് നാട്. സ്റ്റാര് സിങ്ങറില് വച്ചാണ് പരിചയപ്പെട്ടത്. പിന്നീട് പ്രണയമായി. ഇതിനിടയിലും എന്നെക്കുറിച്ച് പല ഗോസിപ്പുകളും വന്നിരുന്നു. ഒരു കവര് സോങ്ങില് എനിക്കൊപ്പം അഭിനയിച്ച പെണ്കുട്ടി എന്റെ മകളാണെന്നും ഞാന് ഡിവോഴ്സ് ആയി എന്നുമൊക്കെയായിരുന്നു അതില് ചിലത്. അതിന്റെ ആവശ്യമില്ലല്ലോ. അനൂപ് എന്നെ പൂര്ണമായും പിന്തുണയ്ക്കുന്ന ആളാണ് അഞ്ജു വ്യക്തമാക്കി.
പ്രമുഖ ചാനലിലെ റിയാലിറ്റി ഷോയിലൂടെയാണ് അഞ്ജു ജോസ്ഫ് പിന്നണി ഗാനരംഗത്തേക്ക് സജീവമായത്. 2011ല് ഡോക്ടര് ലൗ എന്ന ചിത്രത്തില് പിന്നണി പാടിയാണ് സിനിമാ രംഗതേത്തക്ക് അഞ്ജു ചുവടു വച്ചത്. ബാഹുബലിയിലെ ധീവര...എന്ന പാട്ടിന് അഞ്ജുവും സുഹ്യത്തുകളും ഒരുക്കിയ അക്കാപെല്ല ഏറെ ശ്രദ്ധേയമായിരുന്നു. അടുത്തിടെ 'ലൂക്ക'യില് 'ഒരേ കാറ്റില്...' എന്ന പാട്ട് പാടി.
