ശ്രീനഗര്: ജമ്മു കശ്മീരില് വീട്ടുതടങ്കലില് കഴിയുന്ന നാഷണല് കോണ്ഫറണ്സ് അധ്യക്ഷന് ഫാറൂഖ് അബ്ദുള്ള, വൈസ് പ്രസിഡന്റ് ഒമര് അബ്ദുള്ള എന്നിവരെ സന്ദര്ശിക്കാന് പാര്ട്ടി പ്രതിനിധി സംഘത്തിന് അനുമതി. നാഷണല് കോണ്ഫറണ്സ് ജമ്മു പ്രവിശ്യാ അധ്യക്ഷന് ദേവേന്ദര് സിങ് റാണയുടെ നേതൃത്വത്തില് ജനപ്രതിനിധി സംഘം ഞായറാഴ്ച ജമ്മുവില് നിന്നെത്തി നേതാക്കളെ കാണും. നാഷണല് കോണ്ഫറണ്സ് വക്താവ് മദന് മാട്ടു മാധ്യമങ്ങളെ അറിയിച്ചതാണ് ഇക്കാര്യം.
വീട്ടുതടങ്കലില് കഴിയുന്ന നേതാക്കളെ സന്ദര്ശിക്കാന് നാഷണല് കോണ്ഫറണ്സ് ജമ്മു പ്രവിശ്യാ അധ്യക്ഷന് ഗവര്ണര് സത്യപാല് മാലിക്കിന്റെ അനുമതി തേടിയിരുന്നു. ഇതേതുടര്ന്നാണ് കൂടിക്കാഴ്ചയ്ക്ക് അനുമതി ലഭിച്ചത്.
പാര്ട്ടിയുടെ മുതിര്ന്ന നേതാക്കളുടെയും ജില്ലാ പ്രസിഡന്റുമാരുടെയും യോഗത്തിലാണ് പ്രതിനിധി സംഘം ഇരുനേതാക്കളെയും കാണാന് തീരുമാനിച്ചന്നെ് പാര്ട്ടി വക്താവ് അറിയിച്ചു. ജമ്മുവിലെ നാഷണല് കോണ്ഫറണ്സ് നേതാക്കളെ വീട്ടുതടങ്കലില് നിന്ന് മോചിപ്പിച്ചതിന് പിന്നാലെയാണ് യോഗം ചേര്ന്നത്. പാര്ട്ടിയുടെ മുതിര്ന്ന നേതാവ് ഫറൂഖ് അബ്ദുള്ളയെ ശ്രീനഗറിലെ വസതിയിലും മകന് ഒമര് അബ്ദുള്ളയെ സംസ്ഥാന ഗസ്റ്റ് ഹൗസിലുമാണ് തടങ്കലില് പാര്പ്പിച്ചിരിക്കുന്നത്.
