തമിഴ് നടന് വിശാലും തെലുങ്ക് നടി അനിഷ അല്ല റെഡ്ഡിയും തമ്മിലുളള വിവാഹം മുടങ്ങിയെന്ന വാര്ത്തയില് പ്രതികരണവുമായി താരത്തിന്റെ പിതാവ് ജി.കെ.റെഡ്ഡി. ഇപ്പോള് പ്രചരിക്കുന്നത് വെറും ഗോസിപ്പുകള് മാത്രമാണെന്നും ഇരുവരും തമ്മിലുളള വിവാഹം മുടങ്ങിയിട്ടില്ലെന്നും അദ്ദേഹം പത്രസമ്മേളനത്തില് വ്യക്തമാക്കി.
''അവര് തമ്മിലുളള വിവാഹനിശ്ചയം കഴിഞ്ഞു. നടികര് സംഘത്തിന്റെ പുതിയ കെട്ടിടത്തിന്റെ പണി പൂര്ത്തിയായ ശേഷം അവിടെ വച്ചേ വിവാഹിതനാകൂ എന്ന വാശിയിലാണ് വിശാല്. അതാണ് വിവാഹം വൈകാന് കാരണം. നടികര് സംഘത്തിന്റെ തിരഞ്ഞെടുപ്പിന്റെ കാര്യം കോടതിയുടെ പരിഗണനയിലായതിനാല് കല്യാണം നമുക്ക് പെട്ടെന്ന് നടത്താനാകില്ല. വിവാഹതിയതി തീരുമാനച്ചിട്ടില്ല. എന്നാല് അധികം വൈകാതെ തന്നെ അത് നടക്കും''അദ്ദേഹം കൂട്ടിചേര്ത്തു.
എന്നാല് വിശാലോ അനിഷയോ ഈ വിഷയത്തില് പ്രതികരണം അറിയിച്ചിട്ടില്ല. വിശാലുമൊത്തുളള എല്ലാ ചിത്രങ്ങളും തന്റെ ഇന്സ്റ്റഗ്രാം അക്കൗണ്ടില് നിന്ന് അനിഷ നീക്കം ചെയ്തതിന് പിന്നാലെയാണ് വിവാഹം മുടങ്ങിയെന്ന വാര്ത്തകള് പ്രചരിക്കാന് തുടങ്ങിയത്. മാര്ച്ച് പതിനാറിനായിരുന്നു ഇരുവരുടെയും വിവാഹനിശ്ചയം. സെപ്തംബറില് വിവാഹിതരാകുമെന്നായിരുന്നു വാര്ത്തകള്.
ഇതിന് പിന്നാലെ വിശാലിന് ജന്മദിനാശംസകള് നേര്ന്നുകൊണ്ടുളള അനിഷയുടെ ഇന്സ്റ്റാഗ്രാമില് കണ്ടതോടെ ആരാധകര്ക്ക് വീണ്ടും ആശയക്കുഴപ്പമായി. എന്തായാലും വിശാലിന്റെ പിതാവിന്റെ പ്രതികരണത്തോടെ ആരാധകര് അല്പം ആശ്വാസത്തിലാണ്.
ദേശീയ ബാസ്ക്കറ്റ് ബോള് ടീം അംഗമായ അനിഷ ഏതാനും സിനിമകളില് അഭിനയിച്ചിട്ടുണ്ട്. വിജയ് ദേവരേക്കൊണ്ട നായകനായ 'അര്ജുന് റെഡ്ഡിയില് അനിഷ ഒരു കഥാപത്രത്തെ അവതരിപ്പിച്ചിട്ടുണ്ട്. ഹൈദരാബാദിലെ ഒരു വ്യവസായ കുടുംബത്തിലെ അംഗമാണ് അനിഷ.
