പനാജി: ഗോവയില് നടക്കുന്ന ഇന്റര്നാഷണല് ഫിലിം ഫെസ്റ്റിവല് ഓഫ് ഇന്ത്യയില് മികച്ച സംവിധായകനുള്ള പുരസ്കാരം ലിജോ ജോസ് പല്ലിശ്ശേരിക്ക്. ജല്ലിക്കെട്ടിനായി അവാര്ഡ്. ഇത് രണ്ടാമത്തെ തവണയാണ് ലിജോയ്ക്ക് ഫെസ്റ്റിവലില് മികച്ച സംവിധായകനുള്ള പുരസ്കാരം ലഭിക്കുന്നത്. കഴിഞ്ഞ വര്ഷം ഇമയൗവിന് പുരസ്കാരം ലഭിച്ചിരുന്നു.
മാരിഗെല്ല എന്ന സിനിമയിലെ അഭിനയത്തിന് സിജോ ജോര്ജിന് മികച്ച നടനുള്ള സില്വര് പീക്കോക്ക് പുരസ്കാരം ലഭിച്ചു. മികച്ച നടിക്കുള്ള പുരസ്കാരം ഉഷാ ജാദവിനാണ്. മയ് ഘട്ട്; ക്രൈം നമ്പര് 103യ2005 എന്ന ചിത്രത്തിനാണ് പുരസ്കാരം.
ബ്ലേയ്ഡ് ഹാരിസണ് സംവിധാനം ചെയ്ത പാര്ട്ടിക്കിള്സിനാണ് മികച്ച ചിത്രത്തിനുള്ള സുവര്ണ ചകോരം പുരസ്കാരം ലഭിച്ചിരിക്കുന്നത്, പേമ സെദന് സംവിധാനം ചെയ്ത ബല്ലൂണിന് സ്പെഷ്യല് ജൂറി പുരസ്കാരം ലഭിച്ചു. അഭിഷേക് ഷാ സംവിധാനം ചെയ്ത ഹെല്ലാറോയ്ക്ക് പ്രത്യേക ജൂറി പരാമര്ശം ലഭിച്ചു.
76 രാജ്യങ്ങളില് നിന്നായി 190 സിനിമകളാണ് ഇക്കുറി മേളയിലെത്തിയിരുന്നത്. അവയില് 90 സിനിമകളുടെ ഇന്ത്യന് പ്രീമിയറും 6 സിനിമകളുടെ വേള്ഡ് പ്രീമിയറും 11 സിനിമകളുടെ ഏഷ്യന് പ്രീമയറുമായിരുന്നു. മേളയുടെ സുവര്ണ്ണ ജൂബിലി വര്ഷമായ ഇക്കുറി 50 വനിതാ സംവിധായകരുടെ 50 ചിത്രങ്ങളുടെ പ്രദര്ശനവും പ്രത്യേകമായി നടന്നിരുന്നു.
Comments