ലാഗോസ്: നൈജീരിയയിലെ ലാഗോസില് പള്ളിയിലെ ചടങ്ങിനിടെ യുവാവ് തീപ്പൊള്ളലേറ്റ് മരിച്ചു. വെള്ളത്തിന് പകരം യുവാവിന്റെ ദേഹത്ത് വൈദികന് പെട്രോള് ഒഴിച്ചതാണ് അപകടത്തിന് കാരണമായതെന്ന് നാഷണല് എമര്ജന്സി മാനേജ്മെന്റ് വക്താവ് ഇബ്രാഹീം ഫരിന്ലോയി പറഞ്ഞു. ലാഗോസിലെ ബാരുവയിലാണ് സംഭവം.
പാത്രത്തിലുള്ളത് വെള്ളമാണെന്ന് കരുതി വൈദികന് യുവാവിന്റെ ദേഹത്ത് പെട്രോള് ഒഴിക്കുകയായിരുന്നു. ഇതിനിടെ സമീപത്ത് കത്തിച്ചുവച്ചിരുന്ന മെഴുകുതിരിയില് നിന്ന് തീ പടര്ന്ന് യുവാവിന്റെ ദേഹത്ത് തീ പിടിച്ചു. അപകടത്തില് യുവാവ് തല്ക്ഷണം മരിച്ചു. ഗുരുതരമായി പരിക്കേറ്റ വൈദികന് ആശുപത്രിയില് ചികിത്സയിലാണ്.
പള്ളിയില് നിന്നുണ്ടായ തീ അടുത്തുള്ള പൈപ്പ് ലൈനിലേക്ക് പടര്ന്ന് വന് പൊട്ടിത്തെറിയുണ്ടാവുകയും ചെയ്തിരുന്നു. പൈപ്പ് ലൈനിലെ തീ അണയ്ക്കാനുള്ള ശ്രമം പുരോഗമിക്കുകയാണ്.
