ലക്നൗ: ഉന്നാവോയില് ബലാത്സംഗത്തിനിരയാക്കിയശേഷം പെണ്കുട്ടിയെ കത്തിച്ചു കൊലപ്പെടുത്തിയ കേസ് അതിവേഗ കോടതിയില് വിചാരണ നടത്തുമെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. ശരീരത്തില് 90 ശതമാനത്തോളം പൊള്ളലേറ്റ് അതീവ ഗുരുതരാവസ്ഥയില് വെന്റിലേറ്ററില് കഴിഞ്ഞ 23 കാരി വെള്ളിയാഴ്ച രാത്രിയാണ് മരണപ്പെട്ടത്.
യുവതിയുടെ മരണം അതീവ ദു:ഖകരമാണ്. കേസ് അതിവേഗ കോടതിയില് വിചാരണ നടത്തും, കുറ്റവാളികള്ക്ക് തക്കതായ ശിക്ഷ തന്നെ നല്കുമെന്നും യോഗി ആദിതാഥ് പറഞ്ഞു. ശരീരത്തില് 90 ശതമാനത്തോളം പൊള്ളലേറ്റ് അതീവ ഗുരുതരാവസ്ഥയില് ചികിത്സയില് കഴിയുന്നതിനിടെ വെള്ളിയാഴ്ച രാത്രി യുവതിക്ക് ഹൃദയാഘാതം സംഭവിക്കുകയായിരുന്നു. വ്യാഴാഴ്ച വൈകുന്നേരത്തോടെ യുവതിയെ വിമാനമാര്ഗമാണ് ഡല്ഹിയില് എത്തിച്ചത്.
യുവതിയുടെ മൃതദേഹം പോസ്റ്റുമോര്ട്ടത്തിനായി ഫോറന്സിക് വിഭാഗത്തിലേക്ക് മാറ്റും. പോസ്റ്റുമോര്ട്ടത്തിനു ശേഷം മൃതദേഹം കുടുംബത്തിന് കൈമാറും. പോസ്റ്റുമോര്ട്ടം റിപ്പോര്ട്ട് പോലീസിന് കൈമാറിയതായി ആശുപത്രി അധികൃതര് അറിയിച്ചു.
