വാഷിംഗ്ടണ്: തനിക്കെതിരേയുള്ള നടപടി നാണംകെട്ട നടപടിയെന്ന് പ്രതികരിച്ച് അമേരിക്കന് പ്രസിഡന്റ് ഡൊണാള്ഡ് ട്രംപ്. തനിക്കെതിരേ നടന്ന ഇംപീച്ച് മെന്റ് അട്ടിമറി ശ്രമമാണെന്നും ജനാധിപത്യത്തിന് മേല് ഡെമോക്രാറ്റുകള് യുദ്ധം പ്രഖ്യാപിച്ചിരിക്കുകയാണെന്നും പറഞ്ഞു. ഇംപീച്ച്മെന്റ് ഏകപക്ഷീയമായ നടപടിയാണെന്നും ആരോപണങ്ങഴില് തെളില്ലെന്നും താന് ഒരു തെറ്റും ചെയ്തിട്ടില്ലെന്നും ട്രംപ് പറഞ്ഞു. അമേരിക്കന് ചരിത്രത്തില് ഈ നടപടിക്ക് വിധേയാനാകുന്ന മൂന്നാമത്തെ പ്രസിഡന്റായിട്ടാണ് ട്രംപ് മാറിയത്.
ഡൊണാള്ഡ് ട്രംപിനെതിരേ ജനപ്രതിനിധി സഭ ഇംപീച്ച്മെന്റ് പാസ്സാക്കിയിരുന്നു. പ്രതിനിധി സഭയ്ക്ക് പിന്നാലെ സെനറ്റില് കൂടി ട്രംപിന് വിചാരണ നേരിടേണ്ടി വരും. ഇവിടെ ട്രംപിന്റെ റിപ്പബ്ളിക്കന് പാര്ട്ടിക്ക് ഭുരിപക്ഷമുണ്ട് എന്നതാണ് പ്രതീക്ഷ. അമരിക്കന് ജനതയെ കബളിപ്പിക്കാന് കഴിയില്ലെന്നും ജനപ്രതിനിധി സഭയുടെ തെറ്റ് സെനറ്റ് തിരുത്തുമെന്നുമാണ് വൈറ്റ്ഹൗസിന്റെ പ്രതികരണം. അമേരിക്കയുടെ രാഷ്ട്രീയ ചരിത്രത്തിലെ ഏറ്റവും നാണം കെട്ട ഏടെന്നായിരുന്നു ആദ്യ പ്രതികരണം. സെനറ്റ് കുറ്റവിമുക്തനാക്കുമെന്ന ആത്മവിശ്വാസം ട്രംപിനുണ്ടെന്നും തുടര്നടപടികള് അദ്ദേഹം നേരിടാന് തയ്യാറാണെന്നുമാണ് വൈറ്റ് ഹൗസ് പറയുന്നത്.
ഇംപീച്ച്മെന്റ് പ്രമേയത്തിന് ഒരു റിപ്പബ്ളിക്കന് പ്രതിനിധിയുടെ പോലും പിന്തുണ ലഭിച്ചിട്ടില്ലെന്നും ട്രംപ് തെറ്റ് ചെയ്തെന്ന് തെളിയിക്കാന് ഡെമോക്രാറ്റുകള്ക്ക് സാധിച്ചിട്ടില്ലെന്നമാണ് വൈറ്റ്ഹൗസ് വക്താവ് സ്റ്റെഫാനി ഗ്രിഷാം പുറത്തുവിട്ട വാര്ത്താകുറിപ്പില് പറഞ്ഞിരിക്കുന്നത്. ഇംപീച്ച്മെന്റ് ജനപ്രതിനിധി സഭയില് പാസ്സാകുമെന്ന് ഉറപ്പായിരുന്നു. 435 അംഗ സഭയില് 232 ആണ് ഡെമോക്രാറ്റിന്റെ അംഗങ്ങളുടെ എണ്ണം. 216 വോട്ടുകള് മതിയായിരുന്നും ഇംപീച്ച്മെന്റ് പാസ്സാകാന്. എന്നാല് 230 പേര് വോട്ടു ചെയ്തപ്പോള് 197 പേര് എതിര്ത്തു വോട്ടു ചെയ്തു. അതേമസയം സെനറ്റില് ഇംപീച്ച് മെന്റ് പരാജയപ്പെട്ടേക്കാം. ഡെമോക്രാറ്റുകളുടെ അംഗബലം 47 ആണ്. പ്രമേയം പാസ്സാകണമെങ്കില് തന്നെ 67 വോട്ടുകള് വേണം.
2020 ല് നടക്കാനിരിക്കുന്ന പ്രസിഡന്റ് തെരഞ്ഞെടുപ്പില് പ്രധാന എതിരാളിയാകുമെന്ന് കരുതുന്ന ഡെമോക്രാറ്റിക് നേതാവ് ജോ ബൈഡനും മകന് ഹണ്ടര് ബൈഡനുമെതിരേ കേസുകള് ഉണ്ടാക്കാന് ഉക്രെയിന് സര്ക്കാരിന് സമ്മര്ദ്ദം ചെലുത്തി എന്നതാണ് ഇംപീച്ച് മെന്റിന് കാരണമായ കുറ്റങ്ങളില് ഒന്ന്. ജനപ്രതിനിധി സഭ പ്രമേയം പാസ്സാക്കിയെങ്കിലും അമേരിക്കന് ജനതയില് വിഷയത്തിന് ലഭിക്കുന്ന പിന്തുണ ഏറെക്കുറെ തുല്യമാണ്. ഒരു രാഷ്ട്രീയ വെബ്സൈറ്റ് നടത്തിയ അഭിപ്രായ വോട്ടെടുപ്പില് 47 ശതമാനം ഇംപീച്ച്മെന്റ് അനുകൂലിക്കുമ്പോള് 46.4 ശതമാനം എതിര്ക്കുന്നുണ്ട്.
