ദേശീയ പൗരത്വ രജിസ്റ്റര്(എന്ആര്സി) നടപ്പാക്കാന് സുപ്രീംകോടതി പറഞ്ഞതിനാലാണ് അസമില് നടപ്പാക്കിയതെന്ന് കേന്ദ്ര സഹമന്ത്രി വി മുരളീധരന് പറഞ്ഞു. വേറെവിടെയും നടപ്പാക്കുന്ന കാര്യം ചര്ച്ച ചെയ്തിട്ടില്ലെന്നും നടപ്പാക്കാന് ഉദ്ദേശിച്ചിട്ടില്ലെന്നും അദ്ദേഹം മാധ്യമങ്ങളോട് പറഞ്ഞു.
കേന്ദ്ര സര്ക്കാര് കൊണ്ടുവന്ന പൗരത്വ ഭേദഗതി നിയമം നടപ്പിലാക്കാന് മുഖ്യമന്ത്രിയോട് ആരും ആവശ്യപ്പെട്ടിട്ടില്ല. കേരളത്തില് നടപ്പാക്കില്ലെന്ന് പറയാന് അദ്ദേഹത്തിന് എന്തെങ്കിലും റോള് വേണം, അത് ഇല്ലെന്ന് തിരിച്ചറിഞ്ഞ് കൊണ്ട് ഉണ്ടെന്ന് വരുത്തി തീര്ക്കാനുള്ള ശ്രമമായിരിക്കും ഇത്തരം പ്രസ്താവനകള് ഇതില് വലിയ കാര്യമൊന്നും ഇല്ലെന്നും വി മുരളീധരന് പറഞ്ഞു.
ഒരു മുസ്ലീം മത വിശ്വാസിയും പൗരത്വ നിയമം നടപ്പിലാക്കുന്നതിലൂടെ പുറത്ത് പോവേണ്ടി വരില്ല. ഇത് എത്രയോ പ്രാവശ്യം ആവര്ത്തിച്ച് കഴിഞ്ഞു. ഇപ്പോഴും അത് തന്നെ പറയുന്നു. ഇതൊക്കെ മനസിലായിട്ടും സമരങ്ങളുമായി മുന്നോട്ട് പോവാനാണ് ചിലരുടെ ശ്രമം. ഇത് രാജ്യത്തെ നാണം കെടുത്താനാണ്. എന് ആര് സി രാജ്യത്ത് നടപ്പിലാക്കാന് തീരുമാനിച്ചിട്ടില്ല. അസമിന് മാത്രം ബാധകമായ കാര്യമാണ് അത്. നടപ്പിലാക്കാത്ത ഒരു നിയമത്തിന്റെ പേരിലാണ് ഇപ്പോള് പ്രക്ഷോഭം സംഘടിപ്പിക്കുന്നത്. വസ്തുത തിരിച്ചറിയാന് ശ്രമിക്കണം. - വി മുരളീധരന് പറഞ്ഞു.
കേരളത്തില് ജനസംഖ്യാ കണക്കെടുപ്പ് അടക്കം നിര്ത്തി വെച്ചിരിക്കുകയാണെന്നാണ് കേട്ടത്. കേരളത്തിലെ ജനങ്ങള്ക്ക് ആനുകൂല്യങ്ങള് നല്കണ്ടാ എന്നാണ് മുഖ്യമന്ത്രിയുടെ തീരുമാനം എങ്കില് പ്രശ്നമില്ല. അക്കാര്യത്തില് ജനങ്ങളാണ് തീരുമാനം എടുക്കേണ്ടത് എന്നും മുരളീധരന് പറഞ്ഞു.
