പാലക്കാട് : രണ്ടാമൂഴം സിനിമയുടെ പേരില് സംവിധായകന് വി.എ ശ്രീകുമാറും തിരക്കഥാകൃത്ത് എം.ടി വാസുദേവന് നായരും തമ്മിലുള്ള തര്ക്കം വഴിത്തിരിവിലേയ്ക്ക്. രണ്ടാമൂഴം പദ്ധതിയ്ക്കായി ഇതുവരെ ചെലവാക്കിയിട്ടുള്ള പണം എം.ടി വാസുദേവന് നായര് നല്കണമെന്നാവശ്യപ്പെട്ട് സുപ്രീംകോടതി അഭിഭാഷകന് മുഖാന്തരമാണ് വി.എ ശ്രീകുമാര് നോട്ടീസ് അയച്ചിരിക്കുന്നത്.
ചെലവാക്കിയ തുകയും പലിശയും ഉള്പ്പെടെ 20 കോടി രൂപ നഷ്ടപരിഹാരം നല്കണമെന്നാണ് സുപ്രീംകോടതി അഭിഭാഷകനായ അഡ്വ.ടി.ആര് വെങ്കിട്ടരാമന് എം.ടിക്ക് അയച്ച വക്കീല് നോട്ടീസില് ആവശ്യപ്പെട്ടിരിക്കുന്നത്.
രണ്ടാമൂഴം സിനിമയ്ക്കായി തിരക്കഥ ഒരുക്കിയ വകയില് 1.25 കോടി രൂപ എംടിയ്ക്ക് നേരിട്ടും 75 ലക്ഷം രൂപ എം.ടി നിര്ദേശിച്ച അംഗീകൃത പ്രതിനിധിയായ പെപ്പിന് തോമസിനും ഇതിനോടകം നല്കിയിട്ടുണ്ട്. കൂടാതെ രണ്ടാമൂഴം പ്രോജക്ടിനായി നാല് വര്ഷത്തെ ഗവേഷണത്തിനും പ്രൊജക്ട് റിപ്പോര്ട്ടുകള്ക്കും മറ്റുമായി പന്ത്രരകോടി രൂപയും ചെലവാക്കിയിട്ടുണ്ട്.
ഷൂട്ടിങ് തുടങ്ങാത്ത ചിത്രത്തിന് ചെലവാക്കിയ മുഴുവന് തുകയും പലിശയും ഉള്പ്പെടെ 20 കോടി രൂപ നഷ്ടപരിഹാരമായി വേണമെന്നാണ് നോട്ടീസില് പറയുന്നത്. രണ്ടാമൂഴവുമായി ബന്ധപ്പെട്ട് ഒപ്പിട്ട കരാര് ആദ്യം ലംഘിച്ചത് എം.ടിയാണെന്നും വക്കീല് നോട്ടീസില് പറയുന്നു.
