പോച്ച്സ്ട്രൂം(ദക്ഷിണാഫ്രിക്ക): അണ്ടര്-19 ഏകദിന ലോകകപ്പ് ഫൈനല് പോരില് ടോസ് നേടിയ ബംഗ്ലാദേശ് ഇന്ത്യയെ ബാറ്റിങ്ങിനയച്ചു. ടോസ് നേടിയ ബംഗ്ലാദേശ് നായകന് അക്ബര് അലി ഫീല്ഡിങ്ങ് തിരഞ്ഞെടുക്കുകയായിരുന്നു. അഞ്ചാം ലോകകിരീടം തേടിയിറങ്ങുന്ന യുവ ഇന്ത്യ മാറ്റങ്ങളില്ലാതെയാണ് ഫൈനല് പോരിനിറങ്ങുന്നത്. കന്നി ഫൈനല് പോരാട്ടത്തിനിറങ്ങുന്ന ബംഗ്ലാദേശ് ടീമില് ഹസന് മുറാദിനു പകരം അവിഷേക് ദാസ് ഇടംപിടിച്ചു.
പ്രിയം ഗാര്ഗ് നയിക്കുന്ന ഇന്ത്യ ഓസ്ട്രേലിയ, പാക്കിസ്ഥാന് എന്നീ ടീമുകളെ തകര്ത്താണ് ഫൈനലിലേക്ക് മാര്ച്ച് ചെയ്തത്. നിലവിലെ ചാമ്പ്യന്മാരായ ഇന്ത്യ നാലു തവണ ഇതുവരെ അണ്ടര്-19 ലോകകപ്പ് ഉയര്ത്തിയിട്ടുണ്ട്. ബംഗ്ലാദേശ് ഇതാദ്യമായാണ് അണ്ടര്-19 ലോകകപ്പ് ഫൈനലിനിറങ്ങുന്നത്. ക്വാര്ട്ടറില് ദക്ഷിണാഫ്രിക്കയേയും സെമിയില് ന്യൂസിലന്ഡിനേയും തകര്ത്താണ് ബംഗ്ലാദേശ് ഫൈനലില് എത്തിയിരിക്കുന്നത്.
ടീം ഇന്ത്യ: യശ്ശസ്വി ജയ്സ്വാള്, ദിവ്യാന്ഷ് സക്സേന, തിലക് വര്മ, ധ്രുവ് ജുറല്(വിക്കറ്റ് കീപ്പര്), പ്രിയം ഗാര്ഗ്( ക്യാപ്റ്റന്), സിദ്ധേഷ് വീര്, അധര്വ അന്കോല്ക്കര്, രവി, ബിഷ്നോയ്, സുശാന്ത് മിശ്ര, കാര്ത്തിക് ത്യാഗി, ആകാശ് സിങ്.
ടീം ബംഗ്ലാദേശ്: പര്വേസ് ഹൊസൈയ്ന് എമോണ്, തന്സിഡ് ഹസന്, മഹ്മുദുല് ഹസന് ജോയ്, തൗഷിഡ് ഹൃദ്രോയ്, ഷഹാദത്ത് ഹൊസെയ്ന്, ഷമീം ഹൊസൈയ്ന്, അവിഷേക് ദാസ്, അക്ബര് അലി( ക്യാപ്റ്റന്, വിക്കറ്റ് കീപ്പര്), റക്കിബുള് ഹസന്, ഷൊറിഫുള് ഇസ്ലാം, തന്സിം ഹസന് സക്കീബ്.
