ന്യൂഡല്ഹി: ഡല്ഹി കലാപം കനത്ത സാഹചര്യത്തില് സ്ഥിതിഗതികള് വിലയിരുത്താനെത്തിയ പശ്ചിമ ബംഗാള് മുഖ്യമന്ത്രി മമതാ ബാനര്ജി ബിജെപിയെ ശക്തമായ ഭാഷയില് വിമര്ശിച്ചു. ദില്ലിയുടെ ഇപ്പോഴത്തെ സാഹചര്യത്തെ നരകം എന്നാണ് അവര് വിളിച്ചത്. നരകം എന്ന പേരില് ഫേസ്ബുക്ക് അക്കൗണ്ടില് മമത ഒരു കവിതയും പങ്കുവച്ചു.
സമാധാനപരമായി നീങ്ങിയ ഒരു രാഷ്ട്രം അക്രമങ്ങളിലേക്ക് തിരിഞ്ഞതിനെ അപലപിച്ചുകൊണ്ടാണ് കവിത. 'നിറങ്ങളുടെ ഹോളിയ്ക്കു മുന്പേ രക്തത്തിന്റെ ഹോളി' എന്നാണ് ദില്ലിയുടെ ഇപ്പോഴത്തെ അവസ്ഥയെ മമത വിശേഷിപ്പിക്കുന്നത്.
‘‘എവിടെയും രക്തച്ചൊരിച്ചില്, മരണങ്ങള്
കോപം അഗ്നി പോലെ ജ്വലിക്കുന്നു
നിറങ്ങളുടെ ഹോളിയ്ക്കു മുന്പേ രക്തത്തിന്റെ ഹോളി
മനുഷ്യത്വം, മരിച്ചിരിക്കുന്നു.’’
തോക്കിന്റെ മുള്മുനയില് രാഷ്ട്രം നില്ക്കുകയാണ്. ഇത് ജനാധിപത്യത്തിന്റെ അവസാനമോ എന്ന് മമത ചോദിക്കുന്നു. ഇന്നലെ ദില്ലി സന്ദര്ശിച്ച മമത, സംസ്ഥാനത്ത് സമാധാന അന്തരീക്ഷം പു:നസ്ഥാപിക്കാന് ജനങ്ങളോട് ആവശ്യപ്പെട്ടു. ബിജെപിയും തൃണമൂല് കോണ്ഗ്രസും തമ്മിലുളള ഒത്തുകളിയാണിതെന്ന് ആരോപിച്ചു. എല്ലാ രാഷ്ട്രീയ പാര്ട്ടികളും അമിത് ഷായുടെ രാജി ആവശ്യപ്പെടുമ്പോള് തൃണമൂല് കോണ്ഗ്രസ് ഒന്നും കണ്ടില്ലെന്ന് നടിക്കുകയാണെന്ന് സിപിഐ(എം) നേതാവ് സുജന് ചക്രവര്ത്തി പിടിഐയോട് പറഞ്ഞു.
പൗരത്വ നിയമ ഭേദഗതിയ്ക്കെതിരേ ദില്ലിയില് കഴിഞ്ഞ നാലു ദിവസമായി നടന്നുവരുന്ന കലാപങ്ങളില് 27ഓളം ആളുകള് മരിക്കുകയും 200ലറെപേര്ക്ക് പരുക്കേല്ക്കുകയും ചെയ്തിട്ടുണ്ട്. സ്ഥിതിഗതികള് ശാന്തമായാല് ജനങ്ങളില് ആത്മവിശ്വാസം നിലനിര്ത്താന് സേനയെ ഇവിടെ വിന്യസിക്കാന് ദില്ലി മുഖ്യമന്ത്രി അരവിന്ദ് കെജ്രിവാര് ആവശ്യശ്യപ്പെട്ടിട്ടുണ്ട്. കലാപപ്രദേശങ്ങള് സന്ദര്ശിച്ച ദേശീയ സുരക്ഷാ ഉപദേഷ്ടാവ് അജിത്ത് ദൊവാല് തലസ്ഥാനത്ത് സമാധാനം പുനസ്ഥാപിക്കുമെന്ന് ഉറപ്പുനല്കി.
