ന്യുഡല്ഹി: പൗരത്വ നിയമ ഭേദഗതിക്കെതിരെ സുപ്രീം കോടതിയിയില് നിലവിലുള്ള കേസുകളില് കക്ഷി ചോരാനുള്ള യു.എന് മനുഷ്യാവകാശ സംഘടനയുടെ തീരുമാനത്തിനെതിരെ വിദേശകാര്യ മന്ത്രി എസ്. ജയ്ശങ്കര്. സുപ്രീം കോടതിയിലെ കേസുകളില് കക്ഷി ചേരുമെന്ന് യു.എന് മനുഷ്യാവകാശ കമ്മീഷണര് മൈക്കല് ബാച്ലെ ഇക്കഴിഞ്ഞ തിങ്കളാഴ്ച ഇന്ത്യയെ അറിയിച്ചിരുന്നു.
അതേസമയം പൗരത്വം ഇന്ത്യയുടെ ആഭ്യന്തര വിഷയമാണെന്ന് ആവര്ത്തിച്ച ജയ്ശങ്കര് എല്ലാവരെയും ഉള്ക്കൊള്ളുന്ന ഏതെങ്കിലും ഒരു രാജ്യത്തെതെങ്കിലും ചൂണ്ടിക്കാണിക്കാന് ആവശ്യപ്പെട്ടു. രാജ്യമില്ലാത്തവരുടെ എണ്ണം കുറയ്ക്കാനാണ് ഇന്ത്യ ശ്രമിക്കുന്നത്. ഇക്കാര്യത്തെ അഭിനന്ദിക്കുകയാണ് വേണ്ടതെന്നും വിദേശകാര്യ മന്ത്രി പറഞ്ഞു. എല്ലാ രാജ്യങ്ങളും നടപടിക്രമങ്ങള് പാലിച്ചാണ് പൗരത്വം നല്കുന്നതെന്നും ജയ്ശങ്കര് കൂട്ടിച്ചേര്ത്തു.
കശ്മീര് വിഷയത്തിലും യു.എന് മനുഷ്യാവകാശ സംഘടനയുടെ നിലപാട് ശരിയല്ലെന്ന ജയ്ശങ്കര് കുറ്റപ്പെടുത്തി. അതിര്ത്തി കടന്നുള്ള തീവ്രവാദം എവിടെ നിന്നാണ് വരുന്നതെന്ന് യു.എന്.എച്ച്.ആര്.സി പരിശോധിക്കണം. കശ്മീര് വിഷയത്തില് യു.എന്.എച്ച്.ആര്.സിയുടെ മുന് നിലപാടുകള് പരിശോധിക്കണമെന്നും മന്ത്രി കൂട്ടിച്ചേര്ത്തു.
