മാരുതി ഡിസയർ മുഖംമിനുക്കി വിപണിയിൽ എത്തി. കോംപാക്ട് സെഡാൻ ശ്രേണിയിലെ ഏറ്റവും ജനപ്രിയ മോഡലാണ് മാരുതി ഡിസയർ. 5.89 ലക്ഷം മുതൽ 8.80 ലക്ഷം രൂപ വരെയാണ് വാഹനത്തിന്റെ എക്സ്ഷോറൂം വില. പുതിയ ബമ്പറും ഗ്രിൽ രൂപകൽപ്പനയും വാഹനത്തിന് തികച്ചും ഒരു പുതിയ രൂപമാണ് സമ്മാനിക്കുന്നത്.
ഫെയ്സ്ലിഫ്റ്റ് ഡിസയറിന് അടുത്ത തലമുറ കെ-സീരീസ് എഞ്ചിനാണ് കരുത്തേകുന്നത്. കൂടാതെ കീ സമന്വയത്തോടുകൂടിയ പുതിയ 2020 മോഡലിൽ ക്രൂയിസ് നിയന്ത്രണവും യാന്ത്രിക മടക്കാവുന്ന ORVM- കളും മാരുതി അവതരിപ്പിക്കുന്നു. അകത്തളത്തിന് വുഡ് ഫിനിഷിംഗ് നൽകി. ഐഡിൾ സ്റ്റാർട്ട്-സ്റ്റോപ്പ് ടെക്നോളജി (ISS), എക്സ്റ്റീരിയർ ഡിസൈൻ നവീകരണം, ഇന്റീരിയർ ട്വീക്കുകൾ, പുതിയ ഫീച്ചറുകൾ എന്നിവയാണ് 2020 ഫെയ്സ്ലിഫ്റ്റിൽ വാഗ്ദാനം ചെയ്യുന്നുത്.
പുതുതലമുറ 1.2 കെ-സീരീസ് ഡ്യുവൽ ജെറ്റ്, ഡ്യുവൽ വിവിടി ബിഎസ്-VI എഞ്ചിന് ആണ് വാഹനത്തിൽ. 6000 rpm-ൽ 90 bhp കരുത്തും 113 Nm ടോർക്കും ആണ് എൻജിൻ ഉത്പാദിപ്പിക്കുന്നത്. മാനുവൽ, ഓട്ടോമാറ്റിക് ഗിയർ ഷിഫ്റ്റ് (AGS) വേരിയന്റുകളിൽ സെഡാൻ ലഭ്യമാണ്. മാനുവൽ പതിപ്പിൽ 23.26 കിലോമീറ്ററും ഓട്ടോമാറ്റിക് വകഭേദത്തിന് 24.12 കിലോമീറ്റർ ഇന്ധനക്ഷമതയുമാണ് മാരുതി വാഗ്ദാനം ചെയ്യുന്നത്.
