പാരിസ്: കൊറോണ വൈറസിനെതിരേ മരുന്ന് പരീക്ഷണത്തിനൊരുങ്ങുകയാണ് ഫ്രഞ്ച് നാഷണല് ഇന്സ്റ്റിറ്റിയൂട്ട് ആന്റ് മെഡിക്കല് റിസര്ച്ച്. 3200 പേരിലാണ് പരീക്ഷണം നടക്കുക. ഇവരെല്ലാവരും കോവിഡ് പോസിറ്റീവാണ്. നാല് തരത്തിലുള്ള ചികിത്സകള് ഇവരില് നടത്തും. ഡിസ്കവറി എന്നപേരിലാണ് പുതിയ ഈ മരുന്ന് പരീക്ഷണം അറിയപ്പെടുക.
ബെല്ജിയം, ഫ്രാന്സ്, ജര്മ്മനി, ബ്രിട്ടണ്, ലക്സംബര്ഗ്, സ്പെയില്, നെതര്ലന്റ് എന്നിവിടങ്ങളില് നിന്നുള്ള 3200 പേരെയാണ് പരീക്ഷണത്തിന് വിധേയരാക്കുന്നത്. ഏറ്റവും കൂടുതല് ആളുകള് ഫ്രാന്സില് നിന്നാണ് 800 പേര്. റെംഡെസിവിന്, റിട്ടോനാവിര്/ലോപിനാവിര്, റിട്ടാനാവിര്/ലോപിനാവിര് + ഇന്റര്ഫെറോണ് ബീറ്റ, ഹൈട്രോക്സി ക്ലോറോക്വീന് എന്നീ നാലുതരത്തിലുള്ള മരുന്നുകളാണ് ഇവരില് പരീക്ഷിക്കുക.
ലോകം വളരെ പ്രതീക്ഷയോടെയാണ് ഇതിനെ കാത്തിരിക്കുന്നത്. ഇന്ത്യയില് പരീക്ഷണാര്ത്ഥം എച്ച്.ഐ.വി മെഡിസിന് കൊറോണ രോഗികള്ക്ക് നല്കിയിരുന്നു. ഒരാള്ക്ക് രോഗം പൂര്ണമായും ഭേദപ്പെടുകയും ചെയ്തിരുന്നു. എല്ലാ രാജ്യങ്ങളും കൊറോണയ്ക്കുള്ള മരുന്ന്് കണ്ടെത്താനുള്ള തീവ്രശ്രമങ്ങള് നടത്തുന്നുണ്ട്.
