ടിക് ടോക്കില് ഇപ്പോള് റോസ്റ്റിംഗ് തരംഗമാണ്. അര്ജ് യു എന്ന അര്ജുന് സുന്ദരേശനാണ് ഇപ്പോള് താരം. ടിക് ടോക് താരങ്ങളെ തന്റേതായ രീതിയില് ട്രോളുകയാണ് അര്ജുന് ചെയ്യുന്നത്. ടിക് ടോക് റോസ്റ്റിംഗ് എന്ന പേരിലുള്ള റിയാക്ഷന് വീഡിയോകളുമായാണ് അര്ജുന് എത്തുന്നത്. ലക്ഷത്തില് നിന്ന് 1.5 മില്യണ് സബ്സ്ക്രൈബേഴ്സിനെ സ്വന്തമാക്കിയിരിക്കുകയാണ് അര്ജുന്.
ടിക് ടോക് താരമായ ഫുക്രുവിനേയും അര്ജുന് റോസ്റ്റിംഗിന് വിധേയനാക്കിയിരുന്നു. ഫുക്രുവിന്റെ ഡാന്സ് വീഡിയോയ്ക്ക് റിയാക്ഷനുമായാണ് അര്ജുന് എത്തിയത്. പിന്നാലെ മറുപടിയുമായി ഫുക്രുവും എത്തി അര്ജുന്റെ റിയാക്ഷന് വീഡിയോയുടെ രീതിയില് തന്നെയാണ് ഫുക്രുവും തിരിച്ചടിച്ചത്. അര്ജുന്റെ അവതരണത്തില് നെഗറ്റീവായി തോന്നിയ കാര്യങ്ങളാണ് ഫുക്രു പറഞ്ഞത്. ഒരു റിയാക്ഷന് വീഡിയോയില് അര്ജുന് തന്റെ കൈയ്യിലുള്ള പാവയോട് സംസാരിക്കുന്നുണ്ട്. ഇത് കാണുമ്പോള് തനിക്ക് മറ്റൊരാളെ ഓര്മ്മ വരുന്നുവെന്നായിരുന്നു ഫുക്രു പറഞ്ഞത്.
ബിഗ് ബോസിലെ സഹമത്സരാര്ത്ഥിയായിരുന്ന രജിത് കുമാറിനെക്കുറിച്ചായിരുന്നു ഫുക്രു സൂചിപ്പിച്ചത്. അര്ജുന് ബ്രോയുടെ ചില വീഡിയോകളൊക്കെ കണ്ടാല് പ്രതികരിക്കാനാവില്ല. അദ്ദേഹം ഇങ്ങോട്ട് റിയാക്ഷനുമായി വന്ന സ്ഥിതിക്ക് തിരിച്ച് അദ്ദേഹത്തിന്റെ വീഡിയോയും നോക്കാമെന്ന് പറഞ്ഞായിരുന്നു ഫുക്രു എത്തിയത്. എന്നാല് റിയാക്ഷന് വീഡിയോയിലൂടെ തരംഗമാകാന് ഫുക്രുവിന് പക്ഷേ കഴിഞ്ഞില്ല. ഇതുവരെ മൂന്ന് ലക്ഷത്തിന് മുകളില് ഡിസ്ലൈക്കുകളാണ് ഫുക്രുവിന്റെ വീഡിയോയ്ക്ക് കിട്ടിയത്.
