ബെവ്ക്യൂ ആപ്പിന്റെ സാങ്കേതിക തടസങ്ങള്‍ പരിഹരിക്കുമെന്ന് മുഖ്യമന്ത്രി: ഇന്ന് മദ്യം വാങ്ങിയത് 2.25 ലക്ഷം പേര്‍

തിരുവനന്തപുരം: മദ്യ വില്‍പന നടത്താനായി ആരംഭിച്ച ബെവ്ക്യൂ ആപ്പിന്റെ സാങ്കേതിക തടസങ്ങള്‍ പരിഹരിച്ച് മുന്നോട്ട് പോകുമെന്ന് മുഖ്യമന്ത്രി പിണറായി. ഇന്ന് 2,25,000 പേര്‍ ബെവ്ക്യൂ ആപ്പ് ഉപയോഗപ്പെടുത്തിയതായും മുഖ്യമന്ത്രി അറിയിച്ചു. കേന്ദ്ര സര്‍ക്കാര്‍ നിര്‍ദേശം പാലിച്ച് തന്നെയാണ് സംസ്ഥാനത്ത് ഇന്ന് മദ്യ വില്‍പന നടന്നതെന്ന് മുഖ്യമന്ത്രി വ്യക്തമാക്കി.

അതേസമയം ബെവ്ക്യൂ വ്യാജ ആപ് നിര്‍മ്മിച്ച് പ്ലേ സ്‌റ്റോറില്‍ അപേ്‌ലോഡ് ചെയ്തവര്‍ക്കെതിരെ ജാമ്യമില്ല കുറ്റം ചുമത്തുമെന്ന് മുഖ്യമന്ത്രി പറഞ്ഞു. പോലീസ് ആസ്ഥാനത്തെ ഹൈടെക് സെല്ലിനായിരിക്കും അന്വേഷണ ചുമതല. ഇത്തരം പ്രവര്‍ത്തനങ്ങള്‍ അംഗീകരിക്കാന്‍ കഴിയില്ലെന്നും മുഖ്യമന്ത്രി പറഞ്ഞു.