ഇസ്ലാമാബാദ്: പാക്കിസ്ഥാന് മുന് പ്രധാനമന്ത്രി നവാസ് ഷെരീഫിന്റെ സഹോദരനും പാക്കിസ്ഥാനിലെ പ്രതിപക്ഷ നേതാവുമായ ഷെഹ്ബാസ് ഷെരീഫിന് കോവിഡ് സ്ഥിരീകരിച്ചു. പാക്കിസ്ഥാന് മുസ്ലീം ലീഗ്-നവാസ്(പിഎംഎല്-എന്) പാര്ട്ടിയുടെ നേതാവാണ് ഷെഹ്ബാസ് ഷെരീഫ്. രാജ്യത്ത് രോഗ ബാധിതരുടെ എണ്ണം 1,19,536 ആയി ഉയര്ന്നു.
പിഎംഎല്-എന് നേതാവ് അദൗള്ളാഹ് തരാര് ആണ് 68 കാരനായ ഷെഹ്ബാസ് ഷെരീഫിന് രോഗ ബാധ സ്ഥിരീകരിച്ച വിവരം പുറത്തുവിട്ടത്. സാമ്പത്തിക തട്ടിപ്പ് കേസില് ജൂണ് ഒന്പതിന് നാഷണല് അക്കൗണ്ടബിലിറ്റി ബ്യൂറോ(എന്അബി) മുമ്പാകെ ഹാജരായതിനു ശേഷമാണ് അദേഹത്തിന് രോഗ ബാധ സ്ഥിരീകരിച്ചതെന്നും അദേഹം വ്യക്തമാക്കി.
ഷെഹ്ബാസ് ഷെരീഫ് ക്യാന്സര് ബാധിതനാണെന്നും, ആയതിനാല് മറ്റുള്ളവരെ അപേക്ഷിച്ച് അദേഹത്തിന് പ്രതിരോധ ശേഷി കുറവാണെന്നും'.. എന്എബിയെ നിരവധി തവണ അറിയിച്ചതാണെന്നും തരാര് കൂട്ടിച്ചേര്ത്തു. ഷെഹ്ബാസ് ഷരീഫ് ക്വാറന്റീനില് കഴിയുകയായിരുന്നുവെന്നും നാബിന് മുമ്പില് ഹാജരാകാന് വേണ്ടിയാണ് ക്വാറന്റീനില് നിന്ന് ഇറങ്ങിയതെന്നും അദേഹം പറഞ്ഞു. അതിനാല് അദേഹത്തിന് എന്തെങ്കിലും സംഭവിച്ചാല് പാക്ക് പ്രധാനമന്ത്രി ഇമ്രാന് ഖാനും എന്എബിയും ആകും ഉത്തരവാദികളെന്നും അദേഹം പ്രതികരിച്ചു.
