ന്യൂഡല്ഹി: കൊറോണക്കാലത്ത് ആഢംബര ബൈക്കായ ഹാര്ലി ഡേവിഡ്സണില് ഇരുന്ന് ക്യാമറയ്ക്ക് പോസ് ചെയ്യുന്ന സുപ്രീം കോടതി ചീഫ് ജസ്റ്റിസ് എസ്.എ ബോബ്ഡെയുടെ ചിത്രം വിവാദത്തില്. ഹെല്മറ്റോ മാസ്ക്കോ സാമൂഹ്യ അകലമോ പാലിക്കാതെയുള്ള ഫോട്ടോയാണ് വിവാദത്തിലായത്. ചീഫ് ജസ്റ്റിസിന്റെ നടപടിക്കെതിരെ ട്വിറ്ററില് വലിയ പ്രതിഷേധമാണ് ഉയരുന്നുന്നത്.
ബൈക്കുകളോട് ഏറെ പ്രിയമുള്ള ആളാണ് എസ്.എ ബോബ്ഡെ. നാഗ്പൂരിലെ ബി.ജെ.പി നേതാവായ സൊമ്പ മുസാലെയുടെ മകന് രോഹിത് സൊമ്പാജി മുസാലെയുടെ പേരില് രജിസ്റ്റര് ചെയ്തിരിക്കുന്ന ബൈക്കാണിത്. നാഗ്പൂരില് വെച്ച് എടുത്ത ചിത്രമാണിത്. സി.ജെ.ഐ ബോബ്ഡെയുടെ ജന്മനാട് നാഗ്പൂരിലാണ്.
2014 ലെ അസംബ്ലി തെരഞ്ഞെടുപ്പില് ബി.ജെ.പി സ്ഥാനാര്ത്ഥിയായ മത്സരിച്ചയാളാണ് ഇദ്ദേഹം. കൊവിഡ് പശ്ചാത്തലത്തില് കുറച്ചുനാളുകളായി അദ്ദേഹം സ്വന്തം വസതിയിലാണ്. നിയമങ്ങള്ക്ക് പാവപ്പെട്ടവര്ക്ക് മാത്രമാണോ എന്നും ചോദ്യങ്ങള് ഉയരുന്നുണ്ട്.
