തിരുവനന്തപുരം: രാജ്യാന്തര ശ്രദ്ധയാകര്ഷിച്ച തിരുവനന്തപുരം സ്വര്ണക്കടത്തു കേസില് സ്വപ്ന സുരേഷിനെ സഹായിച്ച വമ്പന്മാരെക്കുറിച്ച് ദേശീയ അന്വേഷണ ഏജന്സി (എന്.ഐ.എ) പ്രാഥമിക പട്ടിക തയാറാക്കി. സ്വപ്നയുടെ ആതിഥേയത്വം സ്വീകരിച്ച വമ്പന്മാരെ കേന്ദ്രീകരിച്ചാകും അന്വേഷണത്തുടര്ച്ച. അന്വേഷണപുരോഗതി വിലയിരുത്താന് എന്.ഐ.എ. മേധാവി െവെ.സി. മോഡി അടുത്തയാഴ്ച നേരിട്ടു കൊച്ചിയിലെത്തും. ഒളിവില് കഴിയുന്ന സ്വപ്നയെ പിടികൂടുന്നതിനുള്ള കര്മപദ്ധതിക്ക് എന്.ഐ.എ: ഡിെവെ.എസ്.പി: സി. രാധാകൃഷ്ണപിള്ള രൂപം നല്കി.
ഒളിത്താവളത്തെക്കുറിച്ച് എന്.ഐ.എ. ഇന്റലിജന്സ് വിഭാഗത്തിന് വ്യക്തമായ ധാരണയുണ്ട്. മുന് ഐ.ടി സെക്രട്ടറി എം. ശിവശങ്കറിനെ പ്രാഥമിക ചോദ്യംചെയ്യലിനായി വിളിച്ചുവരുത്തും. അദ്ദേഹത്തിന്റെ പാസ്പോര്ട്ട് പരിശോധിക്കും. രാഷ്ട്രീയ രംഗത്തും ഉദ്യോഗസ്ഥ തലത്തിലും ഉന്നത സ്വാധീനമാണ് സ്വപ്നയ്ക്കുണ്ടായിരുന്നത്. വിമാനത്താവളത്തിലെ സുരക്ഷാ ഉദ്യോഗസ്ഥരെ ശിവശങ്കര് നേരിട്ടും ഫോണിലൂടെയും സ്വപ്നയ്ക്കു പരിചയപ്പെടുത്തിയിട്ടുണ്ട്. വിമാനത്താവളത്തില് സ്വപ്നയ്ക്കു വി.ഐ.പി. പരിഗണന നല്കാന് നിര്ദേശിച്ചു.
സ്വപ്നയ്ക്ക് എല്ലാ സൗകര്യങ്ങളും ഒരുക്കാന് തലസ്ഥാനത്തെ ഉദ്യോഗസ്ഥര്ക്ക് നിര്ദേശം ഉണ്ടായിരുന്നു. മുഖ്യമന്ത്രിയുടെ ഓഫീസില്നിന്നുള്ള വിളിയെന്ന നിലയില് ഉദ്യോഗസ്ഥര് അതു ശിരസാ വഹിച്ചു. ചെറുതും വലുതുമായ മുപ്പതോളം ഉദ്യോഗസ്ഥര് നിരീക്ഷണത്തിലാണ്. ഏഴുദിവസമായി ഒളിവില് കഴിയുന്ന സ്വപ്ന സുരേഷിനെ പിടികൂടാന് സഹായിക്കണമെന്നു സംസ്ഥാന പോലീസിനോട് എന്.ഐ.എ. അനൗദ്യോഗികമായി അഭ്യര്ഥിച്ചതായി സൂചന. ഇതു സംബന്ധിച്ച ആശയവിനിമയം നടന്നതായി ഉന്നത വൃത്തങ്ങള് പറഞ്ഞു.
സ്വര്ണക്കടത്തുകാര് സ്വപ്നയെ അപായപ്പെടുത്താന് ശ്രമിക്കുമെന്ന സംശയം ഉദ്യോഗസ്ഥതലത്തില് ഉയര്ന്നിട്ടുണ്ട്. എന്.ഐ.എയോ കസ്റ്റംസോ ആവശ്യപ്പെടുന്നതുവരെ സ്വപ്നയെ പിടികൂടാന് മുന്െകെയെടുക്കേണ്ടെന്നായിരുന്നു പോലീസ് നിലപാടെന്ന് ഉന്നതോദ്യോഗസ്ഥര് പറഞ്ഞു. തങ്ങള് മുന്െകെയെടുത്തു പിടികൂടുകയാണെങ്കില് തെളിവുകള് നശിപ്പിക്കാന് കൂട്ടുനിന്നെന്ന ചീത്തപ്പേര് കേള്ക്കേണ്ടിവരും. അതൊഴിവാക്കാനാണ് കസ്റ്റംസോ എന്.ഐ.എയോ ആവശ്യപ്പെടുന്നതു വരെ മെല്ലെപ്പോക്കിനു തീരുമാനിച്ചതെന്നു പോലീസ് ഉന്നതര് സൂചിപ്പിച്ചു.
തീവ്രവാദ സംഘടനകള്ക്കു പണം നല്കാനായാണ് സ്വപ്ന പി. സുരേഷ്, പി.എസ്. സരിത്, ഫൈസല് ഫരീദ്, സന്ദീപ് നായര് എന്നിവര് സ്വര്ണക്കള്ളക്കടത്ത് നടത്തിയതെന്നാണ് അന്വേഷണ ഏജന്സികള് കരുതുന്നത്. ഇതോടെ പഞ്ചനക്ഷത്ര ഹോട്ടലുകളിലുണ്ട് ആഡംബരകാറുകളില് മാറിമാറി സഞ്ചരിച്ചിരുന്ന സ്വര്ണക്കടത്തു കേസിലെ പ്രതികള് പിടിയിലായാല് കുറഞ്ഞത് 150 ദിവസം ജയിലില് കിടക്കേണ്ടി വരും. യു.എ.പി.എ. കേസുകളില് 150 ദിവസം കഴിഞ്ഞാലേ ജാമ്യത്തിന് അപേക്ഷിക്കാനെങ്കിലും കഴിയൂ എന്നതാണു കാരണം.
പിടിയിലാകുന്നവരെ തൃശൂര് വിയ്യൂര് ജയിലിലായിരിക്കും പാര്പ്പിക്കുക. സന്ദര്ശിക്കണമെങ്കില് മുന്കൂര് അനുമതി നേടിയിരിക്കണം. ദേശീയ അന്വേഷണ ഏജന്സി കൊച്ചി ഡിെവെ.എസ്.പി. സി.രാധാകൃഷ്ണ പിള്ളയ്ക്കാണ് അന്വേഷണച്ചുുമതല. എസ്.പി: എസ്. രാഹുല് മേല്നോട്ടം വഹിക്കും. സ്വപ്നയുടെ ഒളിത്താവളത്തെക്കുറിച്ച് എന്.ഐ.എയ്ക്ക് വ്യക്തമായ വിവരം ലഭിച്ചെന്നാണു സൂചന.
