റോം: ഇറ്റാലിയന് സീരി എ യില് ചാംപ്യന്മാരാകാനുള്ള യുവന്റസിന്റെ സ്വപ്നത്തിന് വന് തിരിച്ചടി നേരിട്ടതോടെ കിരീട പോരാട്ടം വീണ്ടും കടുക്കുന്നു. കിരീടത്തിലേക്ക് നീങ്ങുന്ന വമ്പന്മാരായ യുവന്റസ് ടേബിള് പട്ടികയില് 15 ാം സ്ഥാനത്ത് നില്ക്കുന്ന ഉഡിനീസിനോട് ഇന്നലെ തോല്വി ഏറ്റുവാങ്ങി. ഒന്നിനെതിരേ രണ്ടു ഗോളുകള്ക്കാണ് ക്രിസ്ത്യാനോയുടെ ടീമിനെ ഉഡിനീസ് ഞെട്ടിച്ചത്. മുന്നില് നിന്ന ശേഷം രണ്ടു ഗോള് വഴങ്ങിയതാണ് തിരിച്ചടിയായത്. ഈ മത്സരം കൂടി ജയിച്ചിരുന്നെങ്കില് ഇറ്റാലിയന് കിരീടം സഫലമായേനെ.
ചാംപ്യന് പദവിയില് 3000 ദിവസം തികച്ചപ്പോഴായിരുന്നു തോല്വി. ഡിലൈറ്റിന്റെ ഗോളില് ആദ്യം മുന്നിലെത്തിയെങ്കിലും ഇലിജ നെസ്റ്ററോവ്സ്കിയിലൂടെ സമനില കൈവരിക്കുകയും ഇഞ്ചുറി ടൈംമില് സെകോ ഫൊഫാനയുടെ ഗോള് യുവെയുടെ നില തെറ്റിച്ചു. ലീഗില് ഇനിയും മൂന്ന് മത്സരം കൂടി ബാക്കി നില്ക്കേ യുവന്റസിന് 80 പോയിന്റാണ് ഉള്ളത്. രണ്ടാമത് നില്ക്കുന്ന അറ്റ്ലാന്റയെക്കാള് ആറ് പോയിന്റ് മുന്നിലാണ്. കഴിഞ്ഞ അഞ്ചു മത്സരങ്ങളില് ഒരെണ്ണത്തില് മാത്രമാണ് യുവന്റസിന് ജയിക്കാന് കഴിഞ്ഞിട്ടുള്ളത്.
മറുവശത്ത് രണ്ടാമതുള്ള അറ്റ്ലാന്റയ്ക്ക് 74 പോയിന്റുണ്ട്. ഒരു പോയിന്റ് വ്യത്യാസത്തില് ഇന്റര്മിലാന് മൂന്നാമതും 72 പോയിന്റുമായി ലാസിയോയും തൊട്ടു പിന്നിലുള്ളത് കനത്ത ഭീഷണിയാണ് യുവന്റസിന് ഉയര്ത്തുന്നത്. മത്സരത്തില് ഗോളടിക്കാതിരുന്നത് സൂപ്പര്താരം ക്രിസ്ത്യാനോ റൊണാള്ഡോയ്ക്കും തിരിച്ചടിയായി. ടോപ്പ് സ്കോറര്ക്കുള്ള ഗോള്ഡന് ട്രോഫിക്ക് വേണ്ടിയുളള മത്സരത്തില് ലാസിയോയുടെ സീറോ ഇമ്മോബീല് സൂപ്പര്താരത്തെ പിന്നിലാക്കി. കാ്ഗ്ളിയാരിക്കെതിരേ ആയിരുന്നു ലാസിയോയുടെ വിജയം. ഈ കളിയില് ഗോളടിച്ച ഇമ്മോബീല് ക്രിസ്ത്യാനോയെക്കാള് ഒരു ഗോള് കൂടുതലായി.
