ഛണ്ഡീഗഡ്: ഹരിയാനയില് നെഹ്റു കുടുംബത്തിന്റെ ഉടമസ്ഥതയിലുള്ള സ്വത്തുക്കളെക്കുറിച്ച് അന്വേഷണം നടത്താന് സംസ്ഥാനത്തെ ബി.ജെ.പി സര്ക്കാര് ഉത്തരവിട്ടു. സംസ്ഥാന ചീഫ് സെക്രട്ടറി കേഷ്നി അറോററയാണ് നഗരവികസന വകുപ്പിനോട് ഇക്കാര്യം ആവശ്യപ്പെട്ടിരിക്കുന്നത്.
ഭൂപീന്ദര് സിംഗ് ഹൂഡ മുഖ്യമന്ത്രിയായിരുന്ന 2005 മുതല് നെഹ്റു കുടുംബം വാങ്ങിയ സ്വത്ത് സംബന്ധിച്ചാണ് അന്വേഷണം. രാജീവ് ഗാന്ധി ഫൗണ്ടേഷന്, രാജീവ് ഗാന്ധി ചാരിറ്റബിള് ട്രസ്റ്റ്, ഇന്ദിരാഗാന്ധി മെമ്മോറിയല് ട്രസ്റ്റ് എന്നിവയുമായി ബന്ധപ്പെട്ട് ഈ മാസം ആദ്യം കേന്ദ്ര ആഭ്യന്തര മന്ത്രാലയം അന്വേഷണം ആരംഭിച്ചിരുന്നു. ഇതിന്റെ തുടര്ച്ചയാണ് ഹരിയാന സര്ക്കാര് പ്രഖ്യാപിച്ച അന്വേഷണം.
