മലയാളത്തിലെ മുതിര്ന്ന നടിയാണ് ബിന്ദു പണിക്കര്. ഏത് വേഷവും കൈകാര്യം ചെയ്യാന് ബിന്ദു പണിക്കര്ക്ക് സാധിക്കുന്നു. താരത്തിന്റെ അതേ പാതയിലാണ് മകള് അരുന്ധതിയും. അരുന്ധതിയുടെ ഡബ്സ്മാഷുകളും ടിക് ടോക്കുകളുമൊക്കെ വളരെയധികം ശ്രദ്ധേയമായിരുന്നു. മോഹന്ലാല്, ദിലീപ്, സൂര്യ, ജ്യോതിക തുടങ്ങിയവരുടെ രസകരമായ രംഗങ്ങള് കോര്ത്തിണക്കിയുള്ള അരുന്ധതിയുടെ ഡബ്സ്മാഷുകള് വൈറലായിരുന്നു. അമ്മ ബിന്ദു പണിക്കരോടൊപ്പവും പിതാവ് സായ് കുമാറിനോടൊപ്പവും അരുന്ധതി ടിക് ടോക് ചെയ്തിട്ടുണ്ട്.
തന്നെ പ്രശസ്തയാക്കിയത് അച്ഛനോടും അമ്മയോടുമൊപ്പമുള്ള ഡബ്സ്മാഷുകളായിരുന്നുവെന്ന് പറയുകയാണ് അരുന്ധതി. ഒരു പ്രമുഖ മാധ്യമത്തിന് നല്കിയ അഭിമുഖത്തിലാണ് അരുന്ധതി തന്റെ മനസ് തുറന്നത്. '' ഡബ്സ്മാഷില് നിന്നാണ് ടിക്ടോക്കിലെത്തിയതെങ്കിലും പ്രശസ്തയായത് അച്ഛന്റെയും അമ്മയുടെയും സഹായത്തോടെയായിരുന്നു. ഒറ്റയ്ക്ക് ചെയ്ത ടിക്ടോക് വിഡിയോ ശ്രദ്ധിക്കാതെ വന്നപ്പോള് അച്ഛനും അമ്മയ്ക്കുമൊപ്പം ഒരു വിഡിയോ ചെയ്തു. ആ വിഡിയോ ആണ് എന്റെ 'ടിക്ടോക് ജീവിതം' മാറ്റി മറിച്ചത്.
ഡബ്സ്മാഷ് ചെയ്യാറുണ്ടായിരുന്നു. സ്കൂള് വിട്ട് വീട്ടിലെത്തിയാല് ഡബ്സ്മാഷ് ചെയ്യണമെന്ന ലക്ഷ്യമേയുണ്ടായിരുന്നുള്ളൂ. സുഹൃത്തുക്കളെല്ലാം സജീവമായിരുന്നു. അതിന് ശേഷം മ്യൂസിക്കലിയിലേക്ക് മാറി. ഒരു വിഡിയോ ചെയ്ത് 40 ലൈക്ക് കിട്ടിയാല് സംഭവമായിരുന്നു. ഞാനും എന്റെ സുഹൃത്തായ കൃപയുമായിരുന്നു എല്ലാം ചെയ്തു കൊണ്ടിരുന്നത്. ഇതിനിടയിലാണ് ടിക് ടോക് വന്നത്. സാധാരണ പോലൊരു ആപ് എന്നല്ലാതെ കാര്യമായൊന്നും നോക്കിയില്ല. അത് ഇന്സ്റ്റാള് ചെയ്ത് ഫീച്ചേഴ്സൊക്കെ നോക്കിയിരുന്നു. വിഡിയോ ചെയ്ത് തുടങ്ങി. 300 ലൈക്സ് വരെ കിട്ടും. ഒരു പുതുവത്സര ദിനത്തില് വീട്ടില് കസിന്സെല്ലാമുണ്ടായിരുന്നു. അച്ഛനും അവിടെ ഇരിക്കുന്നുണ്ടായിരുന്നു.
ലൈനടിച്ചാല് ഫൈനടിക്കുന്ന ആ പാട്ട് അന്ന് വൈറലായിരുന്നു. അന്ന് കസിനും ഞാനും ആ പാട്ട് പാടി വിഡിയോ ചെയ്തു. അച്ഛന് എന്ന് പറയുന്ന സമയത്ത് സായി അച്ഛന്റെ മുഖം കാണിച്ചു. ഇതെല്ലാവര്ക്കും അയച്ചു കൊടുത്തു. പിറ്റേ ദിവസം ടിക് ടോക് എടുത്തപ്പോള് ഞെട്ടിപ്പോയി. നീളത്തില് ലൈക്കായിരുന്നു. ആയിരക്കണക്കിനു പേരാണ് അതിന് ലൈക്കടിച്ചത്. എന്റെ ഫോളോവേഴ്സിന്റെ രഹസ്യം അച്ഛനും അമ്മയുമാണെന്ന് അന്നാണെനിക്ക് മനസ്സിലായത്. അപ്പോഴാണ് എല്ലാവരും എന്നെ ശ്രദ്ധിച്ച് തുടങ്ങിയത്. അങ്ങനെയാണ് മോട്ടിവേഷന് ലഭിച്ച് തുടങ്ങിയത്. ലൈക്ക്സ് കുറയുന്നു എന്ന് തോന്നുമ്പോള് അമ്മയുടെ കൂടെ ടിക് ടോക് ചെയ്യും. അത് കഴിഞ്ഞ് അച്ഛനൊപ്പം. വൈറലായതില് കൂടുതലുള്ളതെല്ലാം ഇരുവരും ഉള്ളതാണ്. അവര് രണ്ടാളും വീട്ടിലുള്ളപ്പോള് നമ്മള് അത് ഉപയോഗിക്കേണ്ടേ.
ഡാന്സ്, പാട്ട്, ടിക് ടോക് ഇവയില് എല്ലാം താല്പര്യമുണ്ട്. ഡാന്സിനോടാണ് കൂടുതല് ഇഷ്ടം. വെറുതെ ഒരു പാട്ട് വച്ച് ഡാന്സ് ചെയ്താല് റിലാക്സാവും. ടിക് ടോക് ടൈംപാസിനായി ചെയ്ത് തുടങ്ങിയതാണ്. കുക്കിങ്ങിലും താല്പര്യമുണ്ട്. ആദ്യം ടേസ്റ്റ് ചെയ്യാന് കൊടുക്കുന്നത് അച്ഛനാണ്. അച്ഛന് സത്യസന്ധമായി അഭിപ്രായം പറയും. ഞാന് ഇതുവരെ കുക്ക് ചെയ്തതില് ഒന്നും മോശമാണെന്ന് അച്ഛന് പറഞ്ഞിട്ടില്ല. അഭിനയത്തിലല്ല എന്റെ താല്പര്യം. ആ ഒരു മേഖലയിലേക്ക് ഇല്ല. അച്ഛനും അമ്മയ്ക്കും അതില് വലിയ താല്പര്യമില്ല. എന്റെ ഉള്ളില് അങ്ങനെയൊരു പാഷനില്ല. ഭാവിയില് ഇത് മാറുമോയെന്നറിയില്ല'' - അരുന്ധതി പറയുന്നു.
ബിന്ദു പണിക്കറുടെ ആദ്യവിവാഹത്തിലെ മകളാണ് അരുന്ധതി. അരുന്ധതിയുടെ അച്ഛന് 2003ലാണ് മരിക്കുന്നത്. 2009ലായിരുന്നു സായ്കുമാറും ബിന്ദു പണിക്കറും വിവാഹിതരായത്.
