കാസര്ഗോഡ്: ജ്വല്ലറി നിക്ഷേപത്തട്ടിപ്പില് എം.സി കമറുദീന് എം.എല്.എയെ പ്രത്യേക അന്വേഷണ സംഘം ചോദ്യം ചെയ്യുന്നു. കാസര്ഗോഡ് ജില്ലാ പോലീസ് മേധാവിയുടെ കാര്യാലയത്തില് എത്തിച്ചാണ് കമറുദീനെ ചോദ്യം ചെയ്യുന്നത്. നിക്ഷേപകരുടെ പണം ഏതെല്ലാം രീതിയില് ദുരുപയോഗം ചെയ്തു. ബംഗളുരുവില് ഭൂമി വാങ്ങിക്കൂട്ടിയതടക്കം സ്വത്ത് സമ്പാദനത്തിന്റെ വിവരങ്ങള്, ബിനാമി ഇടപാടുകള് സംബന്ധിച്ച വിവരങ്ങള് തുടങ്ങിയവയാണ് അന്വേഷണ സംഘം ചോദിച്ചറിയുന്നത്.
ചോദ്യം ചെയ്യലിനോട് എം.എല്.എ സഹകരിക്കുന്നുണ്ടെന്നാണ് വിവരം. തട്ടിപ്പുമായി ബന്ധപ്പെട്ട കൂടുതല് കേസുകളില് എം.എല്.എയെ അറസ്റ്റ് ചെയ്യാനും സാധ്യതയുണ്ട്. ഇതിനിടെ ഒളിവില് പോയ മുസ്ലീംലീഗ് നേതാവ് പൂക്കോയ തങ്ങള് ജില്ല വിട്ടതായാണ് വിവരം. ഇയാള്ക്കായി തിരച്ചില് ഊര്ജിതമാക്കിയെന്ന് അന്വേഷണ സംഘം അറിയിച്ചു. ഇതിനിടെ എം.സി കമറുദീനും പൂക്കോയ തങ്ങള്ക്കുമെതിരെ നാല് കേസുകള് കൂടി രജിസ്റ്റര് ചെയ്തു. ഇതോടെ ആകെ കേസുകളുടെ എണ്ണം 116 ആയി.
