കാസര്ഗോഡ്: ജ്വല്ലറി നിക്ഷേപത്തട്ടിപ്പ് കേസിലെ പ്രതിയും മുസ്ലീം ലീഗ് നേതാവുമായ എം.സി കമറുദീന് എം.എല്.എയെ വീണ്ടും പോലീസ് കസ്റ്റഡിയില് വിട്ടു. ഒരു ദിവസത്തേക്കാണ് കസ്റ്റഡിയില് വിട്ടത്. ഹൊസ്ദുര്ഗ് മജിസ്ട്രേറ്റ് കോടതിയാണ് പ്രത്യേക അന്വേഷണ സംഘത്തിന്െ്റ അപേക്ഷയില് നാളെ ഉച്ചയ്ക്ക് മൂന്ന് മണി വരെ കസ്റ്റഡി അനുവദിച്ചത്.
ഒരാഴ്ച മുമ്പ് മറ്റ് മുന്ന് കേസുകളില് എം.എല്.എയെ രണ്ട് ദിവസം കസ്റ്റഡിയില് വിട്ടിരുന്നു. കസ്റ്റഡി അപേക്ഷ വന്നതിനാല് ജാമ്യാപേക്ഷ പരിഗണിച്ചില്ല. പതിമൂന്ന് തട്ടിപ്പ് കേസുകളിലാണ് എം.എല്.എ ജാമ്യാപേക്ഷ നല്കിയത്.
അതേസമയം ശാരീരിക ബുദ്ധിമുട്ടുകളുണ്ടെന്ന് ചൂണ്ടിക്കാട്ടിയതിനാല് കമറുദീനെ വൈദ്യപരിശോധനയ്ക്ക് വിധേയനാക്കി. കാസര്ഗോഡ് ജനറല് ആശുപത്രിയില് എത്തിച്ചായിരുന്നു പരിശോധന. ആരോഗ്യപ്രശ്നങ്ങള് ഇല്ലെന്ന് പരിശോധനയില് കണ്ടെത്തിയതിനാല് എം.എല്.എയെ കാഞ്ഞങ്ങാട് ജയിലിലേക്ക് തന്നെ മാറ്റി.
കാസര്ഗോഡ് ആരംഭിച്ച ജ്വല്ലറികളിലേക്ക് നിക്ഷേപം സ്വീകരിച്ചാണ് എം.എല്.എയും സംഘവും തട്ടിപ്പ് നടത്തിയത്. മുസ്ലീം ലീഗിന്െ്റ പ്രാദേശിക പ്രവര്ത്തകര്ക്കും അനുഭാവികള്ക്കും തന്നെയാണ് പണം നഷ്ടപ്പെട്ടിരിക്കുന്നത്.
