ന്യൂഡല്ഹി: രാജ്യത്ത്കര്ഷക സംഘടനകള് പ്രഖ്യാപിച്ച ഭാരത് ബന്ദ് നാളെ. പ്രക്ഷോഭം തുടരുന്ന സാഹചര്യത്തിൽ സുരക്ഷ ശക്തമാക്കണമെന്ന് സംസ്ഥാനങ്ങളോട് കേന്ദ്ര സര്ക്കാര് നിര്ദേശിച്ചു. അതെ സമയം, കേരളത്തെ ഭാരത് ബന്ദില്നിന്ന് ഒഴിവാക്കിയിട്ടുണ്ട്.
പാര്ലമെന്റിന്റെ വര്ഷകാല സമ്മേളനത്തിനിടെ കൊണ്ടുവന്ന മൂന്ന് പുതിയ കാര്ഷിക നിയമങ്ങള് പിന്വലിക്കണമെന്ന് ആവശ്യപ്പെട്ടാണ് കര്ഷക സംഘടനകള് ഭാരത് ബന്ദിന് ആഹ്വാനം ചെയ്തിട്ടുള്ളത്.
കാര്ഷിക നിയമങ്ങള് പിന്വലിക്കമെന്ന് ആവശ്യപ്പെട്ട് ആയിരക്കണക്കിന് കര്ഷകരാണ് തലസ്ഥാനത്തു പ്രതിഷേധിക്കുന്നത്. ബന്ദിന് പ്രതിപക്ഷ സംഘടനകളും പിന്തുണ പ്രഖ്യാപിച്ച പശ്ചാത്തലത്തിൽ അനിഷ്ട സംഭവങ്ങൾ ഉണ്ടാകാതിരിക്കാൻ ശ്രദ്ധിക്കണമെന്ന് നിർദേശം നൽകിയിട്ടുണ്ട്.
സമരത്തിന്റെ പശ്ചാത്തലത്തില് കേന്ദ്ര സര്ക്കാര് കര്ഷക സംഘടനകളുമായി നടത്തിയ അഞ്ചാംവട്ട ചര്ച്ചയും ശനിയാഴ്ച പരാജയപ്പെട്ടിരുന്നു.
