കൊവിഡ് പ്രതിസന്ധിക്കിടയിലും ഭാഗ്യം തന്നെ തേടിയെത്തിയതിന്റെ സന്തോഷത്തിലാണ് റെസ്റ്റോറന്റില് ജോലി ചെയ്യുന്ന ജീവനക്കാരി. ടിപ്പിന്റെ രൂപത്തിലാണ് നഴ്സിംഗ് വിദ്യാര്ത്ഥി കൂടിയായ യുവതിയെ ഭാഗ്യം തുണച്ചത്. പെന്സില്വാനിയയിലെ ഒരു ഇറ്റാലിയന് റെസ്റ്റോറന്റിലെ വെയിട്രസാണ് ഗിയന്ന ഡിഎയ്ഞ്ചലോ. ഗിയന്നയ്ക്ക് 3.6 ലക്ഷം രൂപയോളമാണ് ടിപ്പായി കിട്ടിയത്.
15,080 രൂപയുടെ ഭക്ഷണമാണ് ഒരാള് ഓര്ഡര് ചെയ്തത്. 205 ഡോളറിന്റെ ഭക്ഷണത്തിന് 5,000 ഡോളര് ടിപ്പ് നല്കി വെയിട്രസിനെ മാത്രമല്ല റെസ്റ്റോറന്റ് ഉടമയേയും ഭക്ഷണം കഴിച്ചയാള് ഞെട്ടിപ്പിച്ചു. ഇത്രയും വലിയ തുക ലഭിച്ച കാര്യം ആന്റണീസ് അറ്റ് പാക്സണ് എന്ന റെസ്റ്റോറന്റിന്റെ എഫ്ബിയിലാണ് പോസ്റ്റ് ചെയ്തിരുന്നത്. ഗിയന്ന ഡിഎയ്ഞ്ചലോ പാര്ട് ടൈമായി ആണ് റെസ്റ്റോറന്റില് ജോലി ചെയ്യുന്നത്.
ടിപ്പ് കിട്ടിയ പണം തന്റെ നഴ്സിംഗ് പഠനത്തിന്റെ യൂണിവേഴ്സിറ്റി ഫീസിനായി ചെലവഴിയ്ക്കാനാണ് ഗിയന്നയുടെ തീരുമാനം. ജീവനക്കാരിയ്ക്ക് ഇത്രയും വലിയ തുക കൊടുത്ത വ്യക്തിയ്ക്ക് റെസ്റ്റുറന്റ് നന്ദി പറയുകയും ചെയ്തു. നിരവധി പേരാണ് ഈ അപരിചിതനായ വ്യക്തിയോട് നന്ദി പറയുന്നത്. ഹോട്ടല് പ്രതിസന്ധിയില് ആയിരുന്നപ്പോള് തന്നെയാണ് ഇദ്ദേഹത്തിന്റെ സഹായവുമെത്തിയത്.
