മരിച്ചു പോയ മുത്തശ്ശി ഉണ്ടാക്കിയ വിഭവം മുത്തശ്ശിയുടെ മരണ ശേഷം കഴിക്കാന് ഭാഗ്യം ലഭിച്ച ഒരു കുടുംബത്തിന്റെ വാര്ത്തയാണ് ശ്രദ്ധേയമാകുന്നത്. പത്ത് വര്ഷം മുന്പാണ് മരിച്ചു പോയ മുത്തശ്ശി 'ഗോച്ചുജാംഗ്' എന്ന വിഭവം ഉണ്ടാക്കിയത്. ഈ വിഭവം മുത്തശ്ശിയുടെ മരണ ശേഷം കൊറിയയിലെ ഫുഡ് റൈറ്ററായ എറിക് കിമ്മിനും കുടുംബത്തിനും കഴിക്കാനുള്ള ഭാഗ്യം ലഭിക്കുകയായിരുന്നു.
'ഗോച്ചുജാംഗ്' എന്ന വിഭവം മരിക്കുന്നതിന് മുന്പ് മുത്തശ്ശി തയ്യാറാക്കിയതായിരുന്നു. ചോറിന്റെ കൂടെയോ റോസ്റ്റഡ് ചിക്കന്റെ കൂടെയോ ഒക്കെ കഴിക്കാവുന്ന കറിയാണിത്. പ്രത്യേകതരത്തിലുള്ളൊരു ഈ 'ചില്ലി പേസ്റ്റ്' തുടര്ന്ന് ബേസ്മെന്റിലെ ഫ്രീസറില് സൂക്ഷിക്കുകയായിരുന്നു. കൊറിയക്കാരുടെ പരമ്പരാഗത രുചികളില് പെടുന്ന ഒരു വിഭവമാണ് 'ഗോച്ചുജാംഗ്'.
This is a batch of gochujang my grandmother made before she passed away 10 yrs ago. My mom calls it a time capsule. She’s kept it in the basement freezer all these years and wanted to surprise my dad with it one day. So one day, a few weeks ago, my mom brought it out for dinner. pic.twitter.com/7Vukdwnw8a
— Eric Kim (@ericjoonho) December 11, 2020
ഈ വിഭവം സൂക്ഷിച്ചു വച്ചതിനെ കുറിച്ച് എറിക് തന്റെ ട്വിറ്റര് പേജില് കുറിച്ചിട്ടുണ്ട്. '' മുത്തശ്ശി ഇത് തയ്യാറാക്കി വച്ചിരുന്ന കാര്യം അച്ഛന് അറിയില്ലായിരുന്നു. പത്ത് വര്ഷം തികയുന്ന ദിവസം അത് പുറത്തേക്കെടുത്ത് ഡാഡിയെ 'സര്പ്രൈസ്' ചെയ്യിക്കാനായിരുന്നു അമ്മയുടെ പദ്ധതി. മുത്തശ്ശിയുടെ സവിശേഷമായ പാചകത്തിന്റെ അനുഭവം ഏവരിലും നിറഞ്ഞു നിന്നു. ഡാഡിയുള്പ്പെടെ എല്ലാവരും ഡിന്നര് തീരുവോളം മുത്തശ്ശിയെക്കുറിച്ച് മാത്രമാണ് സംസാരിച്ചത്. അപൂര്വ്വങ്ങളില് അപൂര്വ്വമാണ് ഇത്തരം അനുഭവങ്ങള്. '' - എറിക് പറയുന്നു.
