ന്യൂഡല്ഹി : സിദ്ദിഖ് കാപ്പന്റെ മോചനം ആവശ്യപ്പെട്ടുള്ള ഹർജി സുപ്രീം കോടതി ഇന്ന് പരിഗണിക്കും. നിരപരാധിത്വം തെളിയിക്കാന് നുണ പരിശോധനയുള്പ്പെടെ ഏത് ശാസ്ത്രീയ പരിശോധനയ്ക്കും വിധേയനാകാന് തയ്യാറാണെന്ന് മാധ്യമ പ്രവര്ത്തകനായ സിദ്ദിഖ് കാപ്പന് പറഞ്ഞതായി പ്രമുഖ മാധ്യമം റിപ്പോർട്ട് ചെയ്യുന്നു.
പോപ്പുലര് ഫ്രണ്ട് ഓഫ് ഇന്ത്യയുടെ ഓഫീസ് സെക്രട്ടറി എന്നാണ് സിദ്ദിഖ് കാപ്പനെ ആദ്യ സത്യവാങ്മൂലത്തില് ഉത്തര്പ്രദേശ് സര്ക്കാര് വിശേഷിപ്പിച്ചരുന്നത്.
മാധ്യമ പ്രവര്ത്തകന് എന്ന നിലയില് ഔദ്യോഗിക കൃത്യനിര്വഹണത്തിനായി ഉള്ള ബന്ധത്തിനപ്പുറം പോപ്പുലര് ഫ്രണ്ട് ഓഫ് ഇന്ത്യയുമായി ഒരു ബന്ധവും സിദ്ദിഖ് കാപ്പനില്ലെന്നും യൂണിന്റെ മറുപടി സത്യവാങ്മൂലത്തില് വിശദീകരിച്ചിട്ടുണ്ട്.
അതെ സമയം, സിദ്ദിഖ് കാപ്പന്റെ വിഷയത്തിൽ
ഉത്തര്പ്രദേശ് മുഖ്യമന്ത്രി യോഗി ആദിത്യ നാഥ് ഇതുവരെ പ്രതികരിച്ചില്ലെന്നും അറസ്റ്റിനെ കുറിച്ച് അയച്ച കത്തിന് ഇത് വരെ മറുപടി നല്കിയിട്ടില്ലെന്നും മറുപടി സത്യവാങ്മൂലത്തില് ചൂണ്ടിക്കാട്ടുന്നു.
