ന്യൂഡല്ഹി: രാജ്യാന്തര വിമാന സര്വീസുകള്ക്കുള്ള നിരോധനം ഫെബ്രുവരി 28 വരെ നീട്ടി. നിരോധനം ഒരു മാസം വീണ്ടും നീട്ടിയത് ഡയറക്ടറേറ്റ് ജനറല് ഓഫ് സിവില് ഏവിയേഷന്(ഡിജിസിഎ) വ്യാഴാഴ്ചയാണ് അറിയിച്ചത്.
അതേസമയം അന്താരാഷ്ട്ര കാര്ഗോ സര്വീസുകള്ക്കും ഡിജിസിഎ പ്രത്യേകമായി അംഗീകരിച്ച വിമാനങ്ങള്ക്കും ഈ നിയന്ത്രണങ്ങള് ബാധകമല്ലെന്ന് ഏവിയേഷന് റെഗുലേറ്റര് പുറത്തിറക്കിയ സര്ക്കുലറില് വ്യക്തമാക്കി.
കോവിഡ് വ്യാപനം തടയുന്നതിനായി കഴിഞ്ഞ വര്ഷം ജൂണ് മുതലാണ് അന്താരാഷ്ട്ര വിമാന സര്വീസുകള്ക്ക് നിരോധനം പ്രഖ്യാപിച്ചത്. മറ്റ് മേഖലകളിലെല്ലാം ഇളവുകള് നല്കിയെങ്കിലും അന്താരാഷ്ട്ര വിമാന സര്വീസുകള്ക്കുള്ള വിലക്ക് നീളുകയാണ്.
