2021-ലെ തങ്ങളുടെ ആദ്യ രണ്ട് ഫോണുകൾ വിപണിയിലെത്തിച്ചിരിക്കുകയാണ് എച്എംഡി ഗ്ലോബലിന്റെ ഉടമസ്ഥതയിലുള്ള ഫിന്നിഷ് സ്മാർട്ട്ഫോൺ ബ്രാൻഡ് നോക്കിയ. നോക്കിയ 5.4, 3.4 സ്മാർട്ട്ഫോണുകളാണ് വിപണിയിൽ അവതരിപ്പിച്ചത്.
ഡസ്ക്, പോളാർ നൈറ്റ് നിറങ്ങളിൽ ആണ് നോക്കിയ 5.4 എത്തുന്നത്. 4 ജിബി റാം + 64 ജിബി മെമ്മറി, 6 ജിബി റാം + 64 ജിബി മെമ്മറി എന്നിങ്ങനെ രണ്ട് പതിപ്പുകളിൽ വില്പനക്കെത്തിയിരിക്കുന്ന നോക്കിയ 5.4-ന് യഥാക്രമം 13,999 രൂപയും, 15,499 രൂപയുമാണ് വില. ഈ മാസം 17 മുതൽ ഫ്ലിപ്കാർട്ട്, നോക്കിയ വെബ്സൈറ്റുകളുടെ ആരംഭിക്കും. നോക്കിയ 3.4 എത്തുന്നത് 4 ജിബി റാമും 64 ജിബി മെമ്മറിയുള്ള ഒരൊറ്റ പതിപ്പിൽ ആൻ. 11,999 രൂപയാണ് ഇതിന്റെ വില. ചാർക്കോൾ, ഡസ്ക്, ഫിജോഡ് എന്നിങ്ങനെ മൂന്ന് നിറങ്ങളിൽ നോക്കിയ 3.4 സ്വന്തമാക്കാം. ആമസോൺ, ഫ്ലിപ്കാർട്ട്, നോക്കിയ വെബ്സൈറ്റുകളിലൂടെയും ഓഫ്ലൈൻ സ്റ്റോറുകളിലൂടെയും നോക്കിയ 3.4 വാങ്ങാം. ഈ മാസം 20 മുതലാണ് നോക്കിയ 3.4-ന്റെ വില്പന ആരംഭിക്കുക എന്നാണ് റിപ്പോർട്ട്.
നോക്കിയ 3.4-ന് 6.39 ഇഞ്ച് എച്ച്ഡി+ (720x1,560 പിക്സൽ) ഡിസ്പ്ലേയാണ്. ക്വാൽകോം സ്നാപ്ഡ്രാഗൺ 460 SoC പ്രോസസ്സർ ആണ്. സ്റ്റോക്ക് ആൻഡ്രോയിഡ് 10 ആണ് ഓപ്പറേറ്റിംഗ് സിസ്റ്റം എങ്കിലും ആൻഡ്രോയിഡ് 11 ലഭ്യമാവുകും, അതുകൊണ്ട് അപ്ഡേറ്റ് ചെയ്യാൻ സാധിക്കും. 64 ജിബി ഓൺബോർഡ് സ്റ്റോറേജ് മൈക്രോ എസ്ഡി കാർഡ് വഴി 512 ജിബി വരെയായി വർദ്ധിപ്പിക്കാം. 4,000 എംഎഎച്ച് ബാറ്ററിയാണ് ഹാൻഡ് സെറ്റിന്. 13 മെഗാപിക്സൽ പ്രൈമറി സെൻസർ, 5 മെഗാപിക്സൽ അൾട്രാ-വൈഡ് ആംഗിൾ ലെൻസ്, 2 മെഗാപിക്സൽ പ്രൈമറി സെൻസർ എന്നിവയടങ്ങുന്ന ട്രിപ്പിൾ ക്യാമറ സംവിധാനമാണ് നോക്കിയ 3.4-ൽ. 8 മെഗാപിക്സൽ സെൽഫി ക്യാമെറയാണ് ഫോണിൽ.
നോക്കിയ 5.4ന് 19.5:9 ആസ്പെക്ട് റേഷ്യോയും 400 നിറ്റ് പീക്ക് ബ്രൈറ്റ്നെസ്സുമുള്ള 6.5 ഇഞ്ച് എച്ച്ഡി + (720x1,560 പിക്സൽ) ഡിസ്പ്ലേയാണ്. 10W ചാർജിംഗിനെ പിന്തുണയ്ക്കുന്ന 4,000 എംഎഎച്ച് ബാറ്ററിയാണ് നോക്കിയ 5.4-ന്. ഒക്ടാ കോർ ക്വാൽകോം സ്നാപ്ഡ്രാഗൺ 662 SoC പ്രോസസ്സർ 4 ജിബി/6 ജിബി റാമുകളുമായി ചേർന്ന് പ്രവർത്തിക്കുന്നു. 64 ജിബി ഓൺബോർഡ് മെമ്മറി മൈക്രോ എസ്ഡി കാർഡ് വഴി 512 ജിബി വരെ വർദ്ധിപ്പിക്കാം. നോക്കിയ 5.4-യ്ക്ക് 48 മെഗാപിക്സൽ പ്രൈമറി സെൻസർ, അൾട്രാ-വൈഡ് ആംഗിൾ ലെൻസുള്ള 5 മെഗാപിക്സൽ സെൻസർ, 2 മെഗാപിക്സൽ ഡെപ്ത് സെൻസർ, 2 മെഗാപിക്സൽ മാക്രോ എന്നിവ ഉൾപ്പെടുന്ന ക്വാഡ് റിയർ ക്യാമറ ക്ലസ്റ്റർ ആണ്. 16 മെഗാപിക്സൽ സെൻസർ സെൽഫി ക്യാമെറയും ഫോണിൽ ഉണ്ട്.
