ഇരുചക്രവാഹന നിര്മാതാക്കളായ ബജാജ് ബിഎസ് VI നവീകരണത്തോടെ പള്സര് 180 അവതരിപ്പിച്ചു. 1.07 ലക്ഷം രൂപയാണ് പള്സര് 180യുടെ എക്സ്ഷോറൂം വില എന്നാണ് റിപ്പോർട്ട്. ബിഎസ് VI മോഡല് ബ്ലാക്ക് റെഡ് എന്ന ഒരൊറ്റ കളര് ഓപ്ഷനിലാണ് വിപണിയില് എത്തുന്നത്.
ഇരട്ട ഡിആര്എല്ലുകളുള്ള സിംഗിള്-പോഡ് ഹെഡ്ലാമ്പും മുന്വശത്ത് ഒരു ടിന്ഡ് വിസറും ലഭിക്കുന്നു. പുതിയ സെമി ഡിജിറ്റല് ഇന്സ്ട്രുമെന്റ് ക്ലസ്റ്റര് കോക്ക്പിറ്റില് ഇടംപിടിക്കുന്നു. പള്സര് 180-ന്റെ സ്റ്റൈലിംഗ് പള്സര് 150 ട്വിന് ഡിസ്ക് വേരിയന്റില് നിന്ന് പ്രചോദനം ഉള്ക്കൊള്ളുന്നു. ഇന്സ്ട്രുമെന്റ് ക്ലസ്റ്റര് ആവശ്യമായ എല്ലാ വിവരങ്ങളും നല്കുന്നു. ആവരണങ്ങളുള്ള ഒരു മസ്കുലര് ഫ്യുവല് ടാങ്ക്, ഒരു എഞ്ചിന് കൗള്, സ്പ്ലിറ്റ്-സ്റ്റൈല് സീറ്റുകള്, രണ്ട്-പീസ് പില്യണ് ഗ്രാപ്പ് റെയില് എന്നിവയാണ് മറ്റു ഫീച്ചറുകൾ.
എന്നാൽ, പള്സര് 180 F-ന് സമാനമായിരിക്കും മെക്കാനിക്കല് സവിശേഷതകളും മറ്റ് ഭാഗങ്ങളും . 178.6 സിസി സിംഗിള് സിലിണ്ടര് എയര്-കൂള്ഡ് എഞ്ചിനാണ് ബൈക്കിന് ലഭിക്കുന്നത്. 8,500 rpm-ല് 16.7 bhp കരുത്തും 6,500 rpm-ല് 14.52 Nm ടോർക്കും ആണ് ഈ എഞ്ചിന് ഉത്പാദിപ്പിക്കുന്നത്. എൻജിൻ അഞ്ച് സ്പീഡ് ഗിയര്ബോക്സുമായി ബന്ധിപ്പിച്ചിരിക്കുന്നു. സസ്പെന്ഷന് കൈകാര്യം ചെയ്യാൻ മുന്വശത്ത് ടെലിസ്കോപ്പിക് ഫോര്ക്കുകളും പിന്നില് ഗ്യാസ് ചാര്ജ്ഡ് ഇരട്ട ഷോക്ക് അബ്സോര്ബാറുകളും ലഭിക്കുന്നു. ഒരൊറ്റ ചാനല് എബിഎസാണ് ബൈക്കിലുള്ളത്. പള്സര് 180 ഹോണ്ട ഹോര്നെറ്റ് 2.0, ടിവിഎസ് അപ്പാച്ചെ RTR 180 ബൈക്കുകളാണ് വിപണിയിലെ പ്രധാന എതിരാളികൾ
