പുതുതലമുറ പള്സര് 250യുടെ പരീക്ഷണയോട്ടം ബജാജ് ആരംഭിച്ചു. പള്സര് 250 2021 സെപ്റ്റംബറില് അവതരണത്തിനൊരുങ്ങുന്നതായി ആണ് റിപ്പോർട്ട്. പുനെയില് പരീക്ഷണയോട്ടം നടത്തുന്ന ബൈക്കിന്റെ ചിത്രങ്ങളാണ് ഇപ്പോള് പുറത്തുവന്നിരിക്കുന്നത്. പുതിയ ഡിസൈന് ഘടകങ്ങളും സവിശേഷതകളും കാണിക്കുന്ന ഒരു പ്രീ-പ്രൊഡക്ഷന് ഫോര്മാറ്റിലാണ് ബൈക്ക് കാണപ്പെട്ടതെന്നാണ് റിപ്പോർട്ട്.
ഇതിന് കെടിഎം 250, ഡൊമിനാര് 250 എന്നിവ അടിസ്ഥാനമാക്കിയുള്ള പുതിയ എഞ്ചിന് ലഭിക്കുമെന്ന് റിപ്പോര്ട്ടിൽ പറയുന്നു. മോഡലിന് ചുറ്റും എല്ഇഡി ലൈറ്റുകള്, സൈഡ് എക്സ്ഹോസ്റ്റുകള്, സ്പ്ലിറ്റ് സീറ്റുകള് എന്നിവ ലഭിക്കുന്നു. ഓണ്ബോര്ഡ് സവിശേഷതകളില് ബ്ലൂടൂത്ത് കണക്റ്റിവിറ്റി, കളര് ഡിസ്പ്ലേ എന്നിവയുള്ള ഡിജിറ്റല് ഇന്സ്ട്രുമെന്റ് ക്ലസ്റ്ററും ഉള്പ്പെടുമെന്നാണ് സൂചന.
നിലവിലെ പള്സര് NS200-ലെ ലിക്വിഡ് കൂള്ഡ് എഞ്ചിനില് നിന്ന് വ്യത്യസ്തമായി 250 സിസി എഞ്ചിന് ഓയില് ലഭിച്ചേക്കും. എഞ്ചിന് ഏകദേശം 24 bhp കരുത്ത് ഉത്പാദിപ്പിച്ചേക്കും. 6 സ്പീഡ് ഗിയര്ബോക്സ് വഴിയാണ് എഞ്ചിന് ചേർത്തുവെച്ചിരിക്കുന്നത്. മുന്വശത്ത് ടെലിസ്കോപ്പിക് ഫോര്ക്കുകളും പിന്നില് മോണോഷോക്കുമാകും സസ്പെന്ഷന് ഒരുക്കുന്നത്.
