ഇന്ത്യൻ സ്മാർട്ട്ഫോൺ ബ്രാൻഡായ മൈക്രോമാക്സ് കഴിഞ്ഞ വർഷം നവംബറിലാണ് ഇൻ (In) എന്ന പുത്തൻ സബ് ബ്രാൻഡിൽ ഇൻ നോട്ട് 1, ഇൻ 1b എന്നിങ്ങനെ രണ്ട് സ്മാർട്ട്ഫോണുകൾ അവതരിപ്പിച്ചത്. ഈ ശ്രേണിയിലേക്കുള്ള മൂന്നാമൻ ഇൻ 1 സ്മാർട്ട്ഫോൺ മൈക്രോമാക്സ് അവതരിപ്പിച്ചു. ഇൻ നോട്ട് 1, ഇൻ 1b സ്മാർട്ട്ഫോണുകൾക്കിടയിലായി ആണ് ഇൻ 1 പൊസിഷൻ ചെയ്തിരിക്കുന്നത്.
മൈക്രോമാക്സ് ഇൻ 1-ന് 4 ജിബി റാം + 64 ജിബി സ്റ്റോറേജ്, 6 ജിബി റാം + 128 ജിബി സ്റ്റോറേജ് എന്നിങ്ങനെ രണ്ട് പതിപ്പുകളിൽ വില്പനക്കെത്തിയിരിക്കുന്നത്. ഇതിന് യഥാക്രമം 10,499 രൂപയും 11,999 രൂപയുമാണ് വില. മൈക്രോമാക്സ് ഇൻ 1-ന്റെ വില്പന ഈ മാസം 26 മുതൽ ഫ്ലിപ്കാർട്ട്, മൈക്രോമാക്സ് വെബ്സൈറ്റുകളിലൂടെ ആരംഭിക്കും. ലോഞ്ചിന്റെ ഭാഗമായി കുറച്ച് ദിവസത്തേക്ക് 4 ജിബി റാം പതിപ്പ് 9,999 രൂപയ്ക്കും, 6 ജിബി റാം പതിപ്പ് 11,499 രൂപയ്ക്കും വാങ്ങാമെന്നാണ് റിപ്പോർട്ട്. നീല, പർപ്പിൾ നിറങ്ങളിൽ ഫോൺ സ്വന്തമാക്കാം.
20:9 ആസ്പെക്റ്റ് റേഷ്യോ, 91.4 ശതമാനം സ്ക്രീൻ-ടു-ബോഡി അനുപാതം, 400 നിറ്റ്സ് പീക്ക് ബ്രൈറ്റ്നസ് എന്നിവയുള്ള 6.67 ഇഞ്ച് ഫുൾ എച്ച്ഡി + (1,080x, 2,400 പിക്സൽ) ഡിസ്പ്ലേയാണ് ഫോണിന്റെ സവിശേഷത. സ്റ്റോക്ക് ആൻഡ്രോയിഡ് 10-ൽ പ്രവർത്തിക്കുന്ന മൈക്രോമാക്സ് ഇൻ 1-ന് ആൻഡ്രോയിഡ് 11 ലേക്കുള്ള അപ്ഗ്രേഡ് കമ്പനി വാഗ്ദാനം ചെയ്യുന്നുണ്ട്. ഡ്യുവൽ സിം സ്മാർട്ട്ഫോൺ ആയ ഇൻ 1ന്റെ കരുത്ത് ഒക്ടാകോർ മീഡിയടെക് ഹെലിയോ G80 SoC പ്രോസസ്സർ ആണ്. മൈക്രോ എസ്ഡി കാർഡ് വഴി 256 ജിബി വരെ വർദ്ധിപ്പിക്കാവുന്ന 128 ജിബി സ്റ്റോറേജ് ആണ് ഫോണിലുള്ളത്.
18W ഫാസ്റ്റ് ചാർജിംഗിനെ പിന്തുണയ്ക്കുന്ന മൈക്രോമാക്സ് ഇൻ 1-ൽ 5,000 എംഎഎച്ച് ബാറ്ററിയാണ്. 48 മെഗാപിക്സൽ പ്രൈമറി സെൻസർ, ഡെപ്ത് ഫീൽഡിനായി 2 മെഗാപിക്സൽ സെൻസർ, 2 മെഗാപിക്സൽ മാക്രോ ക്യാമറ എന്നിവ ഉൾപ്പെടുന്ന ട്രിപ്പിൾ ക്യാമെറയാണ് മൈക്രോമാക്സ് ഇൻ 1-ന്. 8 മെഗാപിക്സൽ സെൽഫി ക്യാമറ മുൻപിലും ഇടം പിടിച്ചിട്ടുണ്ട്യും ലഭിക്കുന്നു. ഡ്യുവൽ-ബാൻഡ് വൈ-ഫൈ, 4ജി, ഡ്യുവൽ-വോൾട്ടി, ഡ്യുവൽ-വോവിഫൈ, ബ്ലൂടൂത്ത് 5.0, ജിപിഎസ്, യുഎസ്ബി ടൈപ്പ്-സി പോർട്ട് എന്നിവയാണ് കണക്ടിവിറ്റി ഓപ്ഷനുകൾ.
