തിരുവനന്തപുരം: പ്രത്യക്ഷത്തില് നിഷ്പക്ഷമെന്ന് തോന്നിക്കുന്ന ഹീന തന്ത്രങ്ങളാണ് കേരളത്തിലെ മാധ്യമങ്ങള് നടത്തുന്നതെന്ന് തുറന്നടിച്ച് പ്രതിപക്ഷ നേതാവ് രമേശ് ചെന്നിത്തല. അഭിപ്രായ സര്വേയിലൂടെ തന്നെയും യുഡിഎഫിനേയും തകര്ക്കാമെന്ന് കരുതേണ്ടെന്നും് ചെന്നിത്തല തുറന്നടിച്ചു. തീരുവനന്തപുരത്ത് വാര്ത്താസമ്മേളനത്തിലാണ് മാധ്യമങ്ങള്ക്കെതിരെ പ്രതിപക്ഷ നേതാവ് ആഞ്ഞടിച്ചത്.
വിവിധ മാധ്യമങ്ങള് എല്ഡിഎഫിന് അനുകൂലമായി തിരഞ്ഞെടുപ്പ് സര്വേ ഫലം പുറത്തുവിട്ട പശ്ചാത്തലത്തിലാണ് ചെന്നിത്തലയുടെ പ്രതികരണഗ.
മാധ്യമങ്ങളെ വിരട്ടിയും പരസ്യങ്ങള് നല്കിയും വലയിലാക്കാനുള്ള ശ്രമം ഇവിടെയും നടക്കുകയാണ്. എന്തൊരു മാധ്യമ ധര്മ്മമാണിത്? തിരഞ്ഞെടുപ്പുമായി ബന്ധപ്പെട്ട വസ്തുതകള് പരിശോധിച്ചാല് കേരളത്തിലെ മാധ്യമങ്ങള് ഏകപക്ഷീയമായി പെരുമാറുന്നുവെന്ന് മനസിലാകുമെന്നും അദേഹം ചൂണ്ടിക്കാട്ടി.
പ്രതിപക്ഷത്തിന് ന്യായമായി ലഭിക്കേണ്ട ഇടം പോലും തരാതെ ഭരണകക്ഷിക്കുവേണ്ടി കുഴലൂത്ത് നടത്തുന്ന രീതിയിലേക്ക് മാധ്യമങ്ങള് മാറിപ്പോകുന്നത് ശരിയാണോ? കേരളത്തിലെ വോട്ടര്മാരുടെ ഒരു ശതമാനം മാത്രമാണ് ഇത്തരം സര്വേകളുടെ ഭാഗമാകുന്നത്. ജനങ്ങളുടെ ബോധ്യത്തെയും ചിന്താശക്തിയേയും അട്ടിമറിക്കാനുള്ള നീക്കമാണ് നടക്കുന്നതെന്നും ചെന്നിത്തല കുറ്റപ്പെടുത്തി.
